JOHANNES 5:26 - BIBEL JAMITA NA DENGGAN

²⁶ Dibaen songon Ama i marhangoluan di bagasan diriNia sandiri, laing songon i ma madung dibaen Ama i do Anak i, gabe marhangoluan di bagasan diriNia sandiri.

JOHANNES 5:26 ပူးပေါင်းရင်းမြစ်များ

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

JOHANNES 1:4

Mual ni ngolu do Hata i, jana ngolu i ma na mangalehen sinondang tu jolma.

JOHANNES 10:18

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

JOHANNES 11:26

Halak na mangolu jana na porsaya tu Au, nada mate be ia salolot-lolotna. Porsaya dehe ho disi?”

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 6:57

Damang na mangolu i do na marsuru Au jana Au pe na mangolu sian Damang i do. Laing songon i muse ma na mangankon pamatangKu, laing sian Au ma ia mangolu.

JOHANNES 8:51

Tutu do na Hudok tu hamu; sanga ise na mangoloi na Hudok, nada mate be Ia salolot-lolotna.”

BAENON NI ANGKA RASUL 17:25

Nada na nioloan ni tangan ni jolma Ia, songon na hurangan Ia di bagi aha, angke apala Ia do na mangalehen hangoluan dohot hosa dohot sude na asing i tu sude jolma.

1 KORINTUS 15:45

Tarsurat do i songon on, “Si Adam, jolma na parjolo i gabe halak na mangolu,” tapi si Adam na parpudi i do gabe Tondi na mangalehen ngolu.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

IBRANI 1:2

Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”