JOHANNES 5:25 - BIBEL JAMITA NA DENGGAN

²⁵ Tutu do na Hudok di hamu: Ro ma hatihana, jana tardok madung ro i, begeon ni halak na dung mate i ma sora ni Anak Ni Debata, jana sanga ise na umbegesa dapotan hangoluan.

JOHANNES 5:25 ပူးပေါင်းရင်းမြစ်များ

LUKAS 15:24

Angke madung mate do anakkon, saonnari mulak mangolu, madung lilu ia, hape mulak ia saonnari.’ Jadi dipungka halahi ma na marpesta marjop ni roha.

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

LUKAS 9:60

Dialusi Jesus ma, “Padiar ma halak na mate mananom na matena sandiri. Tapi anggo ho, kehe ma ho pararatkon Harajaan Ni Debata.”

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

JOHANNES 4:21

Didok Jesus ma, “Porsaya ma ho di Au. Sada hatiha sombaon ni halak ma Damang, nada be di dolok on jana nada muse di Jerusalem.

JOHANNES 4:23

Tapi na giot ro do hatihana, jana madung ro saonnari, marsomba ma angka parsomba na tutu tu Ama i di bagasan Tondi dohot hasintongan; angke jop do roha ni Debata marnida halak na songon i.

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.

JOHANNES 5:28

Ulang longang rohamunu umbege on; harana ro do hatihana, sude halak na di bagasan kuburan i begeonna ma soraNia,

JOHANNES 6:60

Bahat do angka sisean ni Jesus umbege angka hata na nidok ni Jesus i. Didok halahi ma, “Ma kasartu do pangajaran on. Ise ma he na tahan manangihonsa?”

JOHANNES 8:43

Hara ni aha dehe umbaen na so diastui hamu na Hudok i? Angke nada tahan hamu umbege pangajaranKi.

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

JOHANNES 9:27

Dialusi bayo i ma, “Madung hupaboa di hamu, hape so ra hamu manangihon. Biasi dope disapai hamu i? Adong he na giot siihutkon Ia muse ma hamu?”

SURAT NI SI PAULUS TU PARLAGUTAN ROM 6:4

Di pandidion i, madung ditanom hita rap dohot Ia, di bagasan hamatean do hita disi rap dohot Ia, anso songon Kristus na mulak mangolu i sian hamatean dibaen Ama na sangap i, laing songon i muse ma hita tarbaen mandalani ngolu na imbaru.

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,

HALUMBAAN 3:1

“Tu surusuruan ni parlagutan na di Sardis, songon on suratkon: On ma barita sian na martondi na pitu na sian Debata dohot nampuna bintang na pitu i. Huboto do sanga aha na dung dikarejohon hamu. Nidok hamu na mangolu, hape na mate do!