JOHANNES 5:23 - BIBEL JAMITA NA DENGGAN

²³ Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 5:23 ပူးပေါင်းရင်းမြစ်များ

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 45:15

Debata na paluahon Israel bangsoNia i, i ma Debata na pasimohon diri.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 12:21

jana mararop ni roha tuSia ma sude angka bangso.”

MATEUS 15:8

‘Dipasangap bangso on do Au hum di pamangan sajo, hape anggo roha ni halahi dao do sian Au, songon i ma pandok ni Debata.

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

JOHANNES 14:1

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

JOHANNES 16:14

PasangaponNia ma Au, angke sanga aha na nipalaluNia tu hamu, sian Au do i dijagit Ia tu hamu.

JOHANNES 17:10

Sude na adong di Au laing Damang do nampuna i; jana sude sinadongan ni Damang laing Au do nampuna i. Markite-hite halahi do Au dipasangap.

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

SURAT NI SI PAULUS TU PARLAGUTAN ROM 8:9

Tapi anggo hamu ale angka dongan, nada mangihutkon bako ni jolma hamu mangolu. Mangihutkon Tondi do hamu mangolu, muda tutu Tondi Ni Debata mangingani dirimunu. Sanga ise na so maruli Tondi Ni Kristus, nada Kristus nampuna ia.

1 KORINTUS 1:3

Asi ni roha dohot hasonangan na sian Debata Amanta dohot sian Tuhan Jesus Kristus ma na mandongani hamu.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

1 KORINTUS 6:19

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu.

2 KORINTUS 1:9

songon na dung mate niuhuman do pangkilalaannami. Tapi anso ulang marpangunsandean tu dirinami sandiri do hami umbaen na tarjadi songon i, tapi anso tu Debata na pangolu halak na mate i ma.

2 KORINTUS 5:14

Holong ni roha ni Kristus do na mangarajai hami. Jana hami boto do: Muda mate sada halak humopkop halak sudena, paboa na dung mate do sudena halahi.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

EPESUS 6:24

Sai dipasupasu Debata ma hamu angka dongan sudena na mangkaholongi Tuhanta Jesus Kristus mardongan holong ni roha na so muba-uba.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

IBRANI 1:6

Tapi di na nisuru ni Debata AnakNia siangkaan i tu portibi on, didok Ia do, “Sude surusuruan ni Debata angkon manyomba tuSia.”

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

1 JOHANNES 2:23

Barang ise na mangoku Anak i, disia muse do Ama i.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.