JOHANNES 5:2 - BIBEL JAMITA NA DENGGAN

² Di Jerusalem di lambung ni “Horbangan Biri-biri,” adong do sada paridian. Di hata Ibrani digoar do i Betesda. Adong muse do lima sopo-sopo humaliang paridian i.

JOHANNES 5:2 ပူးပေါင်းရင်းမြစ်များ

NEHEMIA 12:39

Lalu mamolus ma hami sian Pintu Horbangan Efraim, Pintu Horbangan Na Lolot, Pintu Horbangan Ihan, Palas-palas Hananeel dohot Palas-palas Mea lopus tu Pintu Horbangan Biri-biri. Maradian ma barisannami i di lambung ni Pintu Horbangan Panjagoan na di lambung ni Bagas Ni Tuhan.

NEHEMIA 3:1

Jana markobas ma Malim Godang Elyasib dohot angka malim, hahaangginia. Dibangun halahi ma muse Pintu Horbangan Biri-biri, mamasang angka pintuna dohot manghapunjungkonsa di Tuhan. Dipadenggan halahi ma tembok i jana dihapunjungkon lopus tu Palas-palas Saratus dohot tu Palas-palas Hananeel.

NEHEMIA 3:32

Angka tukang sere dohot parboniaga: Bagian ni tembok na parpudi, mamungka sian kamar parginjang na di suhi-suhi ni tembok i lopus tu Pintu Horbangan Biri-biri.

JESAYA 22:11

dibaen hamu ma tobat di bagasan kota i jana dipamasuk ma tusi aek na sian tobat na lolot i. Hape nada dirohahon hamu Ia na dung honok mambaen sangkap i sude, jana na mambaen sudena tarjadi.

JESAYA 22:9

Diida hamu angka bagian ni tembok ni kota Jerusalem na patut paulion. Diparesoi hamu ma sude bagas na di Jerusalem, dibungkar hamu ma deba bagas i anso pakeonmunu batuna i laho padenggankon tembok ni kota i. Laho palagutkon aek,

JOHANNES 19:13

Disi dibege si Latus angka pandohan i, dioban ia ma Jesus tu ruar jana juguk ma ia di juguhan paruhuman di inganan na margoar Litostrotos (astuanna: pantar batu; di hata Ibrani digoari do i Gabbata).

JOHANNES 19:17

Kehe ma Jesus, diporsan Ia sandiri ma hayu parsilangNia tu inganan na margoar “Partangkurahan”. (Di saro Ibrani didok Golgota.)

JOHANNES 19:20

Bahat ma halak na manyise suratna i, harana nada pola sadia dao inganan i sian kota. Disuratkon di hata Ibrani, hata Latin dohot hata Junani do dibaen suratna i.

JOHANNES 20:16

Ninna Jesus ma tu si Maria, “Maria!” Dung i manaili ma si Maria tu Jesus jana didok ia ma di hata Ibrani, “Rabbuni!” (astuanna “Guru”).

JOHANNES 5:3

Bahat do angka na marnyae marmodoman disi; adong na mapitung, adong na timpang, adong muse na pangpangon. [Sudena halahi painte-intehon panggulsak ni aek i.

JOHANNES 7:21

Dialusi Jesus ma, “Hum sada dope Hubaen pangalaho na so somal ma longang hamu sude.

BAENON NI ANGKA RASUL 21:40

Jadi dung dipaloas komandan i si Paulus mandok hata, jongjong ma ia di tangga i, dihiap ia ma dohot tangannia. Gabe sip ma sude halak na disi i. Dung i mandok hata ma ia di hata Ibrani. Didok ia ma,

HALUMBAAN 16:16

Dung i dipalagut tondi na tolu i ma angka raja i tu inganan na nigoaran di hata Ibrani, Armagedon.

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).