JOHANNES 5:19 - BIBEL JAMITA NA DENGGAN

¹⁹ Dialusi Jesus ma halahi songon on, “Ingot hamu ma na Hudok on: Nada dibaen Anak i sanga na aha pe mangihutkon roha-rohaNia sandiri. Sanga aha na niidaNia dibaen AmangNia, hum i sajo do dibaen Ia. Angke sanga aha na nibaen ni Ama i, laing i muse do dibaen Anak i.

JOHANNES 5:19 ပူးပေါင်းရင်းမြစ်များ

PAMUNGKAAN 1:1

Di mulana i ditompa Debata ma langit dohot tano.

PAMUNGKAAN 1:26

Dung i mangkuling ma Debata, “Saonnari tompaonta ma jolma; songon Hita ma halahi jana suman tu Hita. Rajaan ni halahi ma angka ihan, unggas dohot sude binatang sanga pe na jinak bope na riar, na menek pe dohot na godang.”

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 50:6

Dipabotohon langit do hatigoranNa, angke Debata sandiri do panguhumNa.

HARURUAR 4:11

Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

JOHANNES 10:18

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

JOHANNES 12:49

Jana songon i do tutu! Harana Au pe nada jungada Au mandok hata sian roha-rohangKu sandiri; Damang na marsuru Au, Ia do na mamarentahon tu Au sanga aha na angkon dokkononKu jana sanga aha sipabotohononKu.

JOHANNES 12:50

Jana Huboto do na mangalehen hangoluan na so mantak do parentaNia i. Sanga aha na Hudokkon i, na nisuruhon ni Damang do Au mandokkon i.”

JOHANNES 14:10

O, ale Pilipus! Adong he laing na so porsaya do ho na sada do Au dohot Ama i jana Ama i sada dohot Au? Sudena na Hudok on tu ho nada sian roha-rohangKu sandiri i. Damang na sai maringanan di bagasan Au, Ia do na mangkarejohon i sudena.

JOHANNES 2:19

Ninna Jesus ma mangalusi, “Rumpakkon hamu ma Bagas Ni Debata on, anso Hupajongjong mangulahi di bagasan tolu ari.”

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 8:28

Jadi didokkon Jesus ma tu halahi, “Dung dipatuginjang hamu sanoli on Anak Ni Jolma i, botoonmunu ma disi, ‘Au do’ na nidok ni surat i. Disi pe anso tangkas diboto hamu na so adong sada pe na Hubaen i sian roha-rohangKu sandiri. Sanga aha na niajarkon ni Damang tu Au, hum i sajo do na Huhatahon.

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

SURAT NI SI PAULUS TU PARLAGUTAN ROM 6:4

Di pandidion i, madung ditanom hita rap dohot Ia, di bagasan hamatean do hita disi rap dohot Ia, anso songon Kristus na mulak mangolu i sian hamatean dibaen Ama na sangap i, laing songon i muse ma hita tarbaen mandalani ngolu na imbaru.

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

1 KORINTUS 15:12

Tapi muda i do na hami jamitahon, i ma Kristus na dung nipangolu i mangulahi sian hamatean, biasi laing adong dope deba sian hamu na mandok, anggo jolma na mate, nada pangoluon be mangulahi?

2 KORINTUS 4:14

Pos do rohanami di Debata na pangoluhon Tuhan Jesus mangulahi, laing pangoluonNia muse do hami dohot Jesus, jana obanonNia hamu rap dohot hami tu joloNia.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

KOLOSSE 1:11

Sai dipatogu kuaso na sian Debata na gumodang i ma nian hamu, anso tahan hamu manaonkon sanga aha pe na ro, di bagasan sobar dohot jop ni roha

KOLOSSE 1:16

Angke markite-hite Ia do ditompa sasudena na adong, di banua ginjang dohot di tano on, i ma sasudena na tarida dohot na so tarida; angka habangsa, angka pangarajai, angka paruhum sanga parkuaso; sasudena i madung nitompa markite-hite Ia jana tuSia.

1 TESSALONIKA 4:14

Tahaporsayai do, anggo Jesus madung mate jana mulak mangolu. Hara ni i ma umbaen na gabe tahaporsayai, obanon ni Debata muse do sude angka na monding i na porsaya tu Jesus anso rap dohot Ia.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.