JOHANNES 5:17 - BIBEL JAMITA NA DENGGAN

¹⁷ Tapi didok Jesus ma tu halahi, “Tongtong do markarejo Damang; jana Au pe angkon laing markarejo do.”

JOHANNES 5:17 ပူးပေါင်းရင်းမြစ်များ

MASMUR 65:6

Marhite kuasoMu na sumurung i, dipajongjong Ho angka dolok.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

MATEUS 10:29

Nada he nigadis dua amporik arga sasen? Tapi haru songon i pe, inda adong na madabu i tu tano anggo so jolo dipaloas Amangmunu i.

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 14:10

O, ale Pilipus! Adong he laing na so porsaya do ho na sada do Au dohot Ama i jana Ama i sada dohot Au? Sudena na Hudok on tu ho nada sian roha-rohangKu sandiri i. Damang na sai maringanan di bagasan Au, Ia do na mangkarejohon i sudena.

JOHANNES 5:16

Markite-hite i, dipungka halak Jahudi ma mangaroha-rohai Jesus, hara ni na nipamalumNia halak di Ari Sabat.

JOHANNES 5:18

Angka pandohan ni Jesus i ma mambaen mur dirohai angka pamimpin ni halak Jahudi i giot mamunu Ia. Nada hum hara ni na mangalanggar tona ni ugamo sajo, i ma taringot tu Ari Sabat umbaen na songon i dibaen halahi, tapi dohot do muse hara ni hataNia na mandok AmangNia Debata; astuanna disarupahon Ia ma Ia dohot Debata.

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

BAENON NI ANGKA RASUL 17:28

Harana, “Mangolu pe hita jana manggulot sanga pe adong hita, di bagasan Ia do.” Laing songon na nidok ni angka parumpama di hamu on, “Angka pomparanNia do hita.”

1 KORINTUS 12:6

Marrupa-rupa do dalanna mangkarejohon karejo ni Debata, tapi anggo na mangalehen gogo tusi di ganop halak, laing Debata na sada i do.

KOLOSSE 1:16

Angke markite-hite Ia do ditompa sasudena na adong, di banua ginjang dohot di tano on, i ma sasudena na tarida dohot na so tarida; angka habangsa, angka pangarajai, angka paruhum sanga parkuaso; sasudena i madung nitompa markite-hite Ia jana tuSia.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.