JOHANNES 5:13 - BIBEL JAMITA NA DENGGAN

¹³ Tapi hape na so ditanda bayo na malum i dope sanga ise halakna, hara ni bahat ni jolma disi. Jesus pe nada haidaan be di tonga-tonga ni halak na bahat i jana madung kehe Ia sian inganan i.

JOHANNES 5:13 ပူးပေါင်းရင်းမြစ်များ

LUKAS 24:31

Hatiha i tarbuka ma mata ni halahi jana ditanda halahi ma Ia, tapi manigor buni do Ia morot sian halahi.

LUKAS 4:30

Hape kehe ma Ia mamolus sian tonga-tonga ni halak na bahat i.

JOHANNES 14:9

Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?

JOHANNES 5:12

“Ise ma he i na marsuru ho mardalan, mangoban lagemi?” ninna halahi manyapai ia.

JOHANNES 5:14

Dung i marsuo ma Jesus dohot bayo i di Bagas Ni Debata. Didok Jesus ma tusia, “Saonnari madung malum ho; ulang be datdati mardosa. Angke muda mambaen dosa dope ho, na jumatjat sian on dope taononmu saulahon.”

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.