JOHANNES 5:12 - BIBEL JAMITA NA DENGGAN

¹² “Ise ma he i na marsuru ho mardalan, mangoban lagemi?” ninna halahi manyapai ia.

JOHANNES 5:12 ပူးပေါင်းရင်းမြစ်များ

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

JOHANNES 5:11

Tapi ning ia ma mangalusi, “Halak na pamalumkon au nangkin do na marsuru au; didok Ia, ‘Oban ma lagemi, mardalan ma ho.’ ”

JOHANNES 5:13

Tapi hape na so ditanda bayo na malum i dope sanga ise halakna, hara ni bahat ni jolma disi. Jesus pe nada haidaan be di tonga-tonga ni halak na bahat i jana madung kehe Ia sian inganan i.

SURAT NI SI PAULUS TU PARLAGUTAN ROM 10:2

Dibaen husaksihon do taringot tu halahi, na ringgas do halahi di Debata, tapi nada dohot roha na mangastui.

HAKIM-HAKIM 6:29

Marsisapa-sapaan ma halahi sama halahi, “Parbuatan nise dehe on?” Dung disihiri, dapot halahi ma, si Gideon anak ni si Joas i do hape nampuna karejo disi.

1 SAMUEL 14:38

Jadi gabe didok si Saul ma tu angka pamimpin ni rayat i, “Ro ma hamu tuson, jana pareso hamu sanga dosa aha na dibaen sadari on.