JOHANNES 4:7 - BIBEL JAMITA NA DENGGAN

⁷ Dung i ro ma sada dadaboru Samaria muhat tusi, jadi didokkon Jesus ma tusia, “Lehen ma Au minum.”

JOHANNES 4:7 ပူးပေါင်းရင်းမြစ်များ

PAMUNGKAAN 24:17

Dung i marlojong ma hatoban ni si Abraham i mandohonisa jana didok ia ma, “Tolong hamu ma jolo lehen hamu au minum sian garigitmunu i.”

PAMUNGKAAN 24:43

Ligi ma, di lambung sumur on do au jongjong. Muda ro ma sahalak bujing-bujing laho muhat, pangidoonku ma tusia aek anso dilehensa di au sian garigitna i.

1 RAJA-RAJA 17:10

Jadi kehe ma si Elia tu Sarfat. Disi lalu ia tu horbangan ni kota i, diida ia ma sahalak na mabalu topet maisoban. Jadi didok si Elia ma tu anak boru i, “O inang, tolong ma jolo mambuat aek di au saotik.”

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 4:6

Disi ma sumur ni si Jakob i. Loja sajo ma Jesus na mardalan i, gabe kehe Ia juguk maradian di topi ni sumur i. Hira-hira pukul dua bolas ma hatiha i.

JOHANNES 4:8

Angke ma kehe tu kota anak siseanNia manobusi panganon.