JOHANNES 4:53 - BIBEL JAMITA NA DENGGAN

⁵³ Dung i diingot amang ni dakdanak i ma laing di jom i ma didok Jesus tusia, “Mangolu do anakmi.” Gabe porsaya ma ia dohot halahi na sabagas tu Jesus.

JOHANNES 4:53 ပူးပေါင်းရင်းမြစ်များ

MASMUR 107:20

Dipamalum Ia halahi i dohot parentaNia, jana dipalua Ia halahi i sian kuburan.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

MATEUS 8:13

Dung i didok Jesus ma tu tentara na pangkat i, “Mulak ma ho, sanga aha na ni haporsayaanmi, tulus ma i.” Santongkin i, manigor malum ma nyae ni naposonia i.

LUKAS 19:9

Didok Jesus ma tusia, “Mamungka sadari on dapotan haluaon do pangisi ni bagas on, harana pinompar ni si Abraham do ia.

JOHANNES 4:51

Di tonga dalan i dope di na laho mulak ia, ro ma angka naposonia mandapotkon ia laho paboahon tusia, “Madung mangolu do anakmi!”

JOHANNES 4:52

Dung i disapai ia ma tu halahi sanga pukul piga mamungka malum anaknia i. Alus ni halahi, “Natuari hira-hira pukul sada i mondap ma na milas i.”

BAENON NI ANGKA RASUL 11:14

Paboaonnia ma tu ho barita na paluahon ho rap dohot hamu na sabagas.’

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

BAENON NI ANGKA RASUL 16:34

Dung i dioban ia ma si Paulus dohot si Silas tu bagasnia dihobasi ma panganon di halahi. Jop sajo noma rohania dohot halahi na sabagas hara ni na dung porsaya halahi saonnari tu Debata.

BAENON NI ANGKA RASUL 18:8

Nian anggo si Krispus, i ma kapala ni bagas paribadatan i dohot sude halahi na sabagas, porsaya do tu Tuhan Jesus. Jana miduk do sian halak Korintus na umbege jamita i laing porsaya jana lalu tardidi.

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”