51 Di tonga dalan i dope di na laho mulak ia, ro ma angka naposonia mandapotkon ia laho paboahon tusia, “Madung mangolu do anakmi!”
Jadi dioban si Elia ma dakdanak i tu inangna i jana didok ia ma, “Indon ma inang anakmi! Mangolu do ia!”
Didok Jesus ma, “Kehe ma ho mangolu do anakmi.” Jadi porsaya do bayo i di na nidok ni Jesus i, laing kehe ma ia.
Dung i disapai ia ma tu halahi sanga pukul piga mamungka malum anaknia i. Alus ni halahi, “Natuari hira-hira pukul sada i mondap ma na milas i.”
Dung i diingot amang ni dakdanak i ma laing di jom i ma didok Jesus tusia, “Mangolu do anakmi.” Gabe porsaya ma ia dohot halahi na sabagas tu Jesus.