JOHANNES 4:5 - BIBEL JAMITA NA DENGGAN

⁵ Dung di Samaria lalu ma Jesus tu sada kota na margoar Sikhar, nada sadia dao sian tano na nilehen ni si Jakob narobi tu anaknia na margoar si Josep.

JOHANNES 4:5 ပူးပေါင်းရင်းမြစ်များ

PAMUNGKAAN 33:19

Na nitobusannia do padang inganan ni bandarnia i sian sada halak pomparan ni si Hemor, amang ni si Sikem, arga saratus hepeng perak.

PAMUNGKAAN 48:22

Tu ho do, jana nanggo tu angka kahanggimu lehenonku Sikem, tano napu i na hurampas, sian halak Amori marhite podang dohot pana.”

1 RAJA-RAJA 13:32

Sanga aha na nidoknia na niparentahon ni Tuhan salaho tu langgatan na di Betel dohot salaho tu sude inganan paribadatan na di angka kota ni Samaria, pasti do tarjadi sudena i.

LUKAS 9:52

Dung i disuru Ia ma angka suruan di joloNia, jadi dung kehe halahi, bolkas ma halahi tu sada huta ni halak Samaria laho mangkobasi sandok na porlu di Jesus.

JOHANNES 4:12

Ompungnami si Jakob do na mangalehen sumur on di hami. Ia sandiri pe sian sumur on do dibuat ia inumonnia; songon i muse angka dakdanaknia dohot pahan-pahanannia. Gumodang dehe lakna Ho sian ompungnami si Jakob?”

JOHANNES 4:39

Gabe bahat ma halak Samaria na sian kota i porsaya tu Jesus hara ni na nidok ni anak boru i, ‘Madung dipaboa Ia tu au sasudena parkarejoanku nabaruon.’

JOHANNES 4:6

Disi ma sumur ni si Jakob i. Loja sajo ma Jesus na mardalan i, gabe kehe Ia juguk maradian di topi ni sumur i. Hira-hira pukul dua bolas ma hatiha i.

JOHANNES 4:8

Angke ma kehe tu kota anak siseanNia manobusi panganon.

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.