JOHANNES 4:48 - BIBEL JAMITA NA DENGGAN

⁴⁸ Didok Jesus ma tu pagawe ni bagas godang i, “Anggo so jolo diida hamu angka na luar biasa dohot angka hahomangan, laing na so ra do hamu porsaya.”

JOHANNES 4:48 ပူးပေါင်းရင်းမြစ်များ

DANIEL 4:2

Por do rohangku paboahon tu hamu taringot tu tanda dohot hahomangan na nipatupa ni Debata Na Gumincat i tu au.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

BILANGAN 14:11

Didok Tuhan ma tu si Musa, “Sadia honok nari aloon ni bangso on Au? Sadia honok nari tangkang halahi nada ra porsaya di Au, haru pe na dung bahat Hubaen hahomangan di tonga-tonga ni halahi?

MATEUS 16:1

Ro ma halak Parise dohot halak Saduse mandapotkon Jesus. Na giot manjalak-jalahi hasalaan ni Jesus do roha ni halahi. Dipangido halahi ma anso dipataridahon Ia sada tanda sian banua ginjang.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 27:42

“Halak na asing dipaluasa hape Ia sandiri so tarpaluasa! Raja Ni Israel ma Ia ning Ia, anggo mijur ma Ia saonnari sian silang i. Anso porsaya hami diSia.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

LUKAS 10:18

Dialusi Jesus ma, “Huida do madabu Sibolis sian langit songon hilap.

LUKAS 16:31

Tapi didok si Abraham ma tusia, ‘Muda so diampirkon halahi do si Musa dohot angka panurirang i, indangkon na ra halahi porsaya haru pe adong halak na mate mulak mangolu.’ ”

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 2:18

Jadi dialo angka parkuaso ni halak Jahudi i ma Jesus. Didok halahi ma, “Baen ma jolo tanda hahomangan pabotohon tu hami paboa na adong hakMu mambaen songon on!”

JOHANNES 20:29

Jadi didok Jesus ma tusia, “Hara ni na dung niidami dehe Au umbaen na porsaya ho? Martua ma sanga ise na porsaya tu Au haru so diidasa pe Au!”

JOHANNES 4:49

Didok pagawe ni bagas godang i ma, “Tuhan tibu ma Ho ro dompak so mate anakki.”

BAENON NI ANGKA RASUL 14:3

Jadi gabe honok do si Paulus dohot si Barnabas tinggal disi. Jana di bagasan habaranion dihatahon halahi do taringot tu Tuhan i. Dipatanda Tuhan i muse do antong na tutu jamita ni halahi taringot tu holong ni rohana i; dilehen Ia do gogo tu halahi laho mambaen tanda hahomangan dohot angka pangalaho na so jungada masa.

BAENON NI ANGKA RASUL 15:12

Gabe tarhohom ma sudena na marlagut i disi. Dung i dibege halahi ma si Barnabas dohot si Paulus mangulahi mambaritahon sudena tanda-tanda dohot hahomangan na nibaen ni Debata markite-hite halahi di tonga-tonga ni bangso na asing na so Jahudi.

BAENON NI ANGKA RASUL 2:19

BaenonKu ma angka hahomangan di ginjang, di langit, dohot angka tanda di toru, di tano on; adong ma mudar dohot api, uas dohot timus.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

BAENON NI ANGKA RASUL 2:43

Na bahatan do angka tanda hahomangan na nibaen ni angka rasul i na mambaen tartarik roha ni halahi sude jana patubu biar di halahi.

BAENON NI ANGKA RASUL 4:30

Pahortang ma tanganMu mambaen hamalumon, jana baen ma angka tanda hahomangan markite-hite goar ni Jesus, NaposoMu Na Badia i.”

BAENON NI ANGKA RASUL 5:12

Hara ni pangkobasion ni angka rasul i, gabe bahat do hahomangan dohot na so unjung masa tarjadi di tonga-tonga ni halak na bahat i. Saroha ma angka na porsaya i marlagut di Emper Salomo.

BAENON NI ANGKA RASUL 6:8

Tapi anggo si Stefanus na gok asi ni roha dohot hagogoon, mambaen angka tanda-tanda dohot hahomangan na godang do di tonga-tonga ni halak na bahat i.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

1 KORINTUS 1:22

Dipangido halak Jahudi do hahomangan gabe songon tanda, jana halak Junani manjalahisa di parbinotoan ni portibi on.

2 KORINTUS 12:12

Sasudena na pataridahon paboa au do rasul na tutu, madung dikarejohon di tonga-tongamunu di bagasan hasobaron ni roha markite-hite tanda hahomangan dohot kuaso.

2 TESSALONIKA 2:9

Sian parkarejoan ni Sibolis, tarida ma Jolma Na Jahat i di bagasan kuasonia na godang. Baenonnia ma angka tanda hahomangan marragam rupa dohot angka pangalaho na luar biasa mardongan sipaoto-oto.

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.