JOHANNES 4:47 - BIBEL JAMITA NA DENGGAN

⁴⁷ Dung dibege ia na ro Jesus sian Judea tu Galilea, didapotkon ia ma Jesus jana dipangidohon ia ma anso ro Jesus tu Kapernaum laho pamalumkon anaknia na giot mate.

JOHANNES 4:47 ပူးပေါင်းရင်းမြစ်များ

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MARKUS 10:47

Jadi dung dibege ia Jesus halak Nasaret i do na mamolus i, marsurak ma ia, “O Jesus Anak ni si Daud! Ibo ma rohaMu mida au!”

LUKAS 8:41

Dung i ro ma sahalak kapala ni bagas paribadatan di kota i, si Jairus goarna. Marsomba ma ia di jolo ni Jesus jana dipangido ia ma gomos tu Jesus anso ro nian Jesus tu bagasnia,

JOHANNES 11:21

Dung i didok si Marta ma tu Jesus, “Sugari dison Ho Tuhan dompak so mate ibotongki, tontu nada tulus ia mate!

JOHANNES 11:32

Dung lalu si Maria tu inganan ni Jesus jana diida ia ma Jesus, marsinggang ma ia di jolo ni Jesus mandok, “O Tuhan, sugari dison Tuhan i, nada jabat mate ibotongki!”

JOHANNES 4:3

Dung tarboto tu Jesus na dung tarbege na songon i tu halak Parise, gabe kehe ma Ia sian Judea jana mulak tu Galilea.

JOHANNES 4:54

I ma tanda hahomangan na paduahon dibaen Jesus di Galilea dung ro Ia sian Judea.

BAENON NI ANGKA RASUL 9:38

Nada pola sadia dao dope Jope sian Lida. Jadi dung dibege angka sisean ni Jesus na di Jope, na topet do si Petrus di Lida, disuruhon halahi ma dua halak mandapotkon si Petrus marhite pangidoan, “Patibu ma ro tu inganannami.”