JOHANNES 4:41 - BIBEL JAMITA NA DENGGAN

⁴¹ Dung i umbahat dope halak gabe porsaya tu Jesus hara ni na niajarkonNia sandiri tu halahi.

JOHANNES 4:41 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

LUKAS 4:32

Homang do roha ni halahi mida pangajaranNia i, harana gok kuaso do angka pandohanNia.

JOHANNES 4:40

Jadi dung marsuo angka halak Samaria i dohot Jesus gomos ma dipangidohon halahi anso tinggal Ia rap dohot halahi. Jadi disi ma Jesus dua ari.

JOHANNES 4:42

Didok halahi ma tu anak boru i, “Saonnari madung porsaya hami, nada hara ni angka na nipaboami be tu hami, tapi hara ni na dung hami bege sandiri sian Ia, jana madung hami boto tutu do Ia Sipalua ni portibi on.”

JOHANNES 6:63

Tondi i do na mangalehen hangoluan, anggo sibuk nada adong guna ni i. Angka hata na Hudokkon, i do tondi dohot hangoluan.

JOHANNES 7:46

Dialusi angka panjago i ma tu halahi, “Nada adong dope pangkatai ni jolma songon i!”

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 15:3

Dipataru parlagutan na di Antiokia i ma halahi lalu tu balian ni kota i, halahi pe torus ma mardalan mamolus sian Punisia lalu tu Samaria. Dipaboa halahi ma disi sanga tarbia pangalahona angka bangso na asing na so Jahudi na gabe dohot pasahat dirina tu Debata. Moga sajo do roha ni angka halak na porsaya i disi umbege barita i.

BAENON NI ANGKA RASUL 8:12

Tapi dijamitahon si Pilipus ma tu halahi Jamita Na Denggan i, taringot tu Harajaan Ni Debata dohot taringot tu goar ni Jesus Kristus. Gabe porsaya ma halahi tu Jamita na nidok ni si Pilipus i, tardidi ma halahi – halaklahi dohot dadaboru.

BAENON NI ANGKA RASUL 8:25

Dung dilehen halahi hasaksian dohot jamita na sian hata ni Tuhan i, mulak ma si Petrus dohot si Johannes mangulahi tu Jerusalem. Di tonga dalan i dijamitahon halahi ma Jamita Na Denggan i di angka huta ni halak Samaria.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.