JOHANNES 4:3 - BIBEL JAMITA NA DENGGAN

³ Dung tarboto tu Jesus na dung tarbege na songon i tu halak Parise, gabe kehe ma Ia sian Judea jana mulak tu Galilea.

JOHANNES 4:3 ပူးပေါင်းရင်းမြစ်များ

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

MARKUS 3:7

Mandao ma Jesus dohot angka anak siseanNia tu Dano Galilea. Tapi bahat sajo do halak sian Galilea na kehe mangihutkon Jesus.

LUKAS 17:11

Di na patoruskon pardalananNia Jesus tu Jerusalem mamolus ma ia sian parbalohan ni Samaria dohot Galilea.

JOHANNES 1:43

Ancogotna i ditontuhon Jesus ma anso kehe Ia tu Galilea. Marsuo ma Ia dohot si Pilipus, dung i ning Ia ma tu si Pilipus, “Beta, ihutkon ma Au!” (

JOHANNES 10:40

Mangulahi ma Jesus kehe tu ipar ni Batang aek Jordan, i ma inganan ni si Johannes na salpu i mandidihon halak, jana disi ma Ia jolo tinggal.

JOHANNES 11:54

Hara ni i nada be mardalani Jesus torang di jolo ni halak Jahudi. Ditadingkon Ia ma Judea, kehe ma Ia tu kota na margoar Efraim na donok tu halongonan. Disi ma Ia tinggal rap dohot angka siseanNia i.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 3:22

Dung i kehe ma Jesus dohot angka siseanNia tu Luat Judea. Disi ma halahi sangombas jana mandidihon do halahi disi.

JOHANNES 3:32

Angka na niidaNia dohot na nibegeNia do disaksihon Ia, hape umpe sahalak na mangkaporsayai hasaksianNia.

JOHANNES 4:47

Dung dibege ia na ro Jesus sian Judea tu Galilea, didapotkon ia ma Jesus jana dipangidohon ia ma anso ro Jesus tu Kapernaum laho pamalumkon anaknia na giot mate.

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.