JOHANNES 4:22 - BIBEL JAMITA NA DENGGAN

²² Hamu angka halak Samaria disomba hamu do na so ditanda hamu, tapi anggo hami halak Jahudi, na hami tanda do na hami somba; angke sian halak Jahudi do ro haluaan i.

JOHANNES 4:22 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

ESRA 4:2

Jadi gabe didapotkon halahi ma si Zerubabel dohot angka kapala ripe ni horong-horong, lalu diusulkon halahi ma, “Paloas hamu ma hami dohot mambangun Bagas Paribadatan i, harana hami pe na mangoloi tu Debatamunu i do, laing songon hamu ale angka dongan. Sai tongtong do hami pasahatkon haul tuSia mamungka sian na nioban ni si Esarhadon raja ni Asur hami tuson.”

MASMUR 147:19

Dipabolkas Ia tonaNia tu bangsoNia, hatontuan dohot angka parenta tu bangso na nipiliNia.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

BAENON NI ANGKA RASUL 17:23

Harana di na mardalan-dalan au humaliang kotamunu on, huparrohahon do angka inganan parsombaanmunu. Huida muse do sada inganan pamelean, tarsurat do disi, ‘Tu Debata Na So Nitanda.’ Jadi, Debata na so nitandamunu i, i ma da ibana na hubaritahon i tu hamu.

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

SURAT NI SI PAULUS TU PARLAGUTAN ROM 11:18

Hara ni i, ulang ma ginjang rohamu maradopkon angka dangka i! Muda ginjang rohamu, ingot ma; nada ho na manogang urat i, tapi na ditogang ni urat i do ho.

IBRANI 7:14

Sude do halak mamboto i, na sian Marga Juda do anggo asal ni Tuhanta i; jana si Musa pe nada jungada didok ia marga on muda hatiha manaringoti angka malim ia.