JOHANNES 4:20 - BIBEL JAMITA NA DENGGAN

²⁰ “Anggo angka ompunami di dolok on do marsomba, tapi anggo Ho mandok hum di Jerusalem sajo do inganan ni halak marsomba.”

JOHANNES 4:20 ပူးပေါင်းရင်းမြစ်များ

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

1 JUJUR TAON 21:26

Di inganan i ma dipajongjong si Daud langgatan di Tuhan jana dihaulkon ia ma haul situtungon dohot haul pardamean disi. Dung salpu i martangiang ma ia jana dialusi Tuhan do tangiangnia i markite-hite na paijur api sian langit manutungi angka haul na di ginjang ni langgatan i.

1 JUJUR TAON 22:1

Jadi ning si Daud ma, “Angkon dison noma baenon Bagas Ni Tuhan Debata. Jana on ma langgatan inganan ni halak Israel manghaulkon haul situtungon tu Tuhan.”

2 JUJUR TAON 7:12

dipataridahon Tuhan ma mangulahi dirina tu si Salomo topet borngin-borngin. Didok Tuhan ma, “Madung Hutangihon tangiangmi, jana dohot on ma Hupabotohon anggo bagas na dung dipajongjongmon, na gabe inganan na mamunjung ma i laho maribadatan tu Au salolot ni lolotna.

2 JUJUR TAON 7:16

Hubaen pe sudena i dibaen na dung Hutodo do inganan on jana Huhapunjungkon gabe inganan maribadat tu Au salolot-lolotna. ParrohahononKu jana jagohononKu do i sapanjangna.

MASMUR 132:13

Dibaen madung dipili Tuhan Sion; giot ni rohaNia maringanan Ia disi.

MASMUR 78:68

Marga Juda do na nipulditNia, dohot Dolok Sion na nihasianNia.

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

LUKAS 9:53

Tapi nada ra halak huta i manjagit Jesus, hara ni na giot tu Jerusalem do Ia.

JOHANNES 4:12

Ompungnami si Jakob do na mangalehen sumur on di hami. Ia sandiri pe sian sumur on do dibuat ia inumonnia; songon i muse angka dakdanaknia dohot pahan-pahanannia. Gumodang dehe lakna Ho sian ompungnami si Jakob?”

PANGARATAION 11:29

Muda dung dioban Tuhan hamu masuk tu tano na giot siingananmunu i, jadi angkon pajojoronmunu do pasupasu i sian Dolok Gerisim dohot bura sian Dolok Ebal. (

PANGARATAION 27:12

“Dung ditaripari hamu Batang aek Jordan, angkon jongjong do Marga Simeon, Levi, Juda, Isakar, Josep dohot Benyamin di Dolok Gerisim di hatiha na pasahatkon hata pasupasu tu bangso on.