JOHANNES 3:31 - BIBEL JAMITA NA DENGGAN

³¹ Ise na ro sian ginjang do di ginjang ni sudena. Na ro sian tano on, di tano on do, jana mangkobari do ia taringot tu tano on. Anggo na ro sian ginjang i, di ginjang ni sudena do.

JOHANNES 3:31 ပူးပေါင်းရင်းမြစ်များ

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

JOHANNES 1:15

Ro do si Johannes gabe saksina, dipaboa ia ma: “On ma da Ia na hudokkon i: Na giot ro do Ia umpudi sian au, tapi na gumodang ulang au, angke dompak so adong dope au, madung adong hian Ia.”

JOHANNES 1:27

Umpudi dope Ia ro ulang au, tapi mangkarhari tali ni sipatuNia pe, nada tama dope au.”

JOHANNES 1:30

Ia ma na hudokkon i na umpudi ro ulang au, tapi na gumodang dope Ia sian au; angke na dung adong hian do Ia dompak so sorang dope au.

JOHANNES 3:30

Ia do na angkon mur pagodangon tapi anggo au angkon mur nipamenek do.”

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

JOHANNES 8:23

Dung i didok Jesus ma tu halahi, “Sian toru on do hamu ro; tapi anggo Au sian ginjang do. Hamu sian portibi on do; tapi anggo Au nada sian portibi on.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

IBRANI 9:1

Adong do aturan ni ibadat sian ihot-ihot ni janji na parjolo i jana adong muse do inganan paribadatan na nibaen ni jolma.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

1 JOHANNES 4:5

Taringot tu angka pangalaho na di portibi on do na nihataan ni angka panurirang pargabus i, jana ditangihon portibi on do halahi, angke sian portibi on do haroroan ni halahi.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”