JOHANNES 3:26 - BIBEL JAMITA NA DENGGAN

²⁶ Didapotkon halahi ma si Johannes jana disapai halahi ma, “Rabbi, jolma na rap dohot ho, na di ipar ni Batang aek Jordan i, na dung nisaksihonmi, mandidihon muse do Ia saonnari, jana marroan sude halak tuSia!”

JOHANNES 3:26 ပူးပေါင်းရင်းမြစ်များ

MASMUR 65:2

Ho do na manangihon tangiang; ro do sude halak tu Ho hara ni na dung mardosa.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

MATEUS 23:7

Na jopan roha ni halahi ditabi halak di poken, muda didok halak tu halahi ‘Gurunami’.

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

JOHANNES 1:15

Ro do si Johannes gabe saksina, dipaboa ia ma: “On ma da Ia na hudokkon i: Na giot ro do Ia umpudi sian au, tapi na gumodang ulang au, angke dompak so adong dope au, madung adong hian Ia.”

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

JOHANNES 1:9

Torang na tutu na manorangi sandok jolma, ro tu portibi on.

JOHANNES 11:48

Muda tapadiar-diar do Ia sai songon i, gabe sude ma halak porsaya tusia. Ujungna ro muse ma halak Rom na markuaso i mangaroncohon Bagas Ni Debata dohot sude bangsonta on!”

JOHANNES 12:19

Dung i marsipandohonan ma angka halak Parise i ninna halahi ma, “Nada adong gunana ro hita tuson! Ligi hamu ma, ma gabe sude na satano on mangihutkon Ia!”

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 4:1

Dibege halak Parise ma na umbahat sisean ni Jesus, dohot na nididihonNia ulang pado si Johannes. (

JOHANNES 4:2

Nian nada Ia na mandidihon halak, tapi angka siseanNia i do.)

JOHANNES 4:31

Jadi laing di hatiha i, disuru angka siseanNia i ma anso mangan jolo Jesus, “Mangan ma jolo Rabbi,” ning halahi.

JOHANNES 5:33

Hamu sandiri pe madung ditongos hamu suruanmunu tu si Johannes jana si Johannes pe madung dilehen ia hasaksian na tutu taringot tu Au.