JOHANNES 3:2 - BIBEL JAMITA NA DENGGAN

² Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 3:2 ပူးပေါင်းရင်းမြစ်များ

1 RAJA-RAJA 17:24

Dialusi na mabalu i ma, “Saonnari tangkas ma huboto, naposo ni Debata do ho amang jana tutu do mangkobari Tuhan markite-hite ho amang.”

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

MATEUS 23:7

Na jopan roha ni halahi ditabi halak di poken, muda didok halak tu halahi ‘Gurunami’.

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

MARKUS 12:14

Didapotkon halahi ma Jesus. Didok halahi ma, “Guru, hami boto do, halak na tigor do Ho. Nada parduli Ho sanga na bia pikiran ni halak tu Ho. Hum na marojahan tu hasintongan do diajarkon Ho, taringot tu sanga aha hagiot ni Debata. Harana inda meol-eol rohaMu sanga na bia pe didok halak. Antong, paboa ma jolo tu hami, ‘Muda tagarar pajakta tu Kesar ni halak Rom, sala dehe i tu ugamonta sanga nada? Angkon gararonta dehe pajak i sanga nada?’ ”

JOHANNES 1:38

Manaili ma Jesus tu pudi, jadi diida Ia ma halahi na mangihutkon Ia. Ninna Jesus ma, “Manjalahi aha dehe hamu?” Ninna halahi ma mangalusi, “Rabbi, di dia dehe Ho maringanan?” (Rabbi, astuanna ‘Guru’.)

JOHANNES 10:38

Tapi muda Hukarejohon karejo ni Damang, haru pe nada porsaya hamu tu Au, saotik-otikna angkon haporsayaanmunu ma nian na Hubaen i, anso diboto jana diastui hamu na sada do Damang dohot Au, jana Au sada dohot Damang.”

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 14:10

O, ale Pilipus! Adong he laing na so porsaya do ho na sada do Au dohot Ama i jana Ama i sada dohot Au? Sudena na Hudok on tu ho nada sian roha-rohangKu sandiri i. Damang na sai maringanan di bagasan Au, Ia do na mangkarejohon i sudena.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 2:11

I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 20:16

Ninna Jesus ma tu si Maria, “Maria!” Dung i manaili ma si Maria tu Jesus jana didok ia ma di hata Ibrani, “Rabbuni!” (astuanna “Guru”).

JOHANNES 3:26

Didapotkon halahi ma si Johannes jana disapai halahi ma, “Rabbi, jolma na rap dohot ho, na di ipar ni Batang aek Jordan i, na dung nisaksihonmi, mandidihon muse do Ia saonnari, jana marroan sude halak tuSia!”

JOHANNES 4:31

Jadi laing di hatiha i, disuru angka siseanNia i ma anso mangan jolo Jesus, “Mangan ma jolo Rabbi,” ning halahi.

JOHANNES 5:36

Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

JOHANNES 6:2

Diihutkon halak na bahat i ma Ia hara ni na dung niida ni halahi angka pangalaho hahomangan na nibaenNia dompak pamalumkon angka na marnyae Ia.

JOHANNES 7:31

Tamba ni i, bahat muse do sian angka jolma na bahat i na porsaya tuSia, didok halahi ma, “Muda ro Kristus i tarbaen Ia dope ulaning hahomangan umbahat sian na dung binaenNia on?”

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

PILIPPI 1:14

Jana dung di bagasan hurungan on au, gabe bahatan ma angka dongan sahaporsayaan gabe mur marpos ni roha tu Tuhan, mambaen halahi gabe mur puluk manjamitahon hata ni Debata so pola mardongan biar.

HAKIM-HAKIM 6:27

Jadi dialap si Gideon ma hatobannia sampulu halak lalu kehe ma ia patuluskon na niparentahon ni Tuhan i tusia. Tapi hara ni biarnia maradopkon halahi sabagas dohot angka jolma na di hutania i, nada puluk ia mangkarejohon i arian-arian. Jadi borngin do dipatulus ia i.