JOHANNES 3:19 - BIBEL JAMITA NA DENGGAN

¹⁹ Tapi on do panguhuman i: Madung ro hatorangan i tu tano on, tapi humolongan do roha ni jolma i tu hagolapan ulang pado hatorangan i, harana jahat do pangalaho ni halahi.

JOHANNES 3:19 ပူးပေါင်းရင်းမြစ်များ

PODA 2:13

Nada ra be halahi mangolu mangihutkon dalan na sintong, hara ni na mangihutkon parngoluon na gok dosa.

HAMALIMON 13:10

Paresoon ni malim ma halahi. Muda bontar do tompa ni huling-kuling na mahancit i, bope imbuluna bontar jana gok nana di na mahancit i,

ZAKARIA 14:19

I ma uhuman tu Mesir dohot tu sude bangso na so ra manghagodangkon Pesta Undung-undung Bulung Rata.

LUKAS 12:47

Naposo na umboto hagiot ni tuanna, hape nada hobas ia jana nada dibaen ia hagiot ni tuannia i, sisambohon do i sagogona.

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

JOHANNES 1:4

Mual ni ngolu do Hata i, jana ngolu i ma na mangalehen sinondang tu jolma.

JOHANNES 1:5

Marsinondang do na torang i di hagolapan, jana nada tarintopi hagolapan i na torang i.

JOHANNES 12:31

Saonnari ma hatihana uhuman portibi on; taluhonon ma raja ni portibi on saonnari.

JOHANNES 12:43

Harana holongan do roha ni halahi di hasangapan na sian jolma, ulang pado hasangapan na sian Debata.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 9:5

Salolot di tano on Au, Au do sinondang ni portibi on.”

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

2 TESSALONIKA 2:12

Jadi gabe hona uhum ma sudena halak na mangkagioti dosa dohot na so porsaya tu na tutu i.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu