JOHANNES 3:17 - BIBEL JAMITA NA DENGGAN

¹⁷ Harana nada anso manguhumi portibi on umbaen na nitongos ni Debata AnakNia i tu tano on, tapi anso gabe Sipalua ni portibi on do.”

JOHANNES 3:17 ပူးပေါင်းရင်းမြစ်များ

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:11

Harana, laho paluahon halak na lilu do umbaen na ro Anak Ni Jolma i!]

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

LUKAS 9:56

Dung i gabe tu huta na asing ma halahi kehe.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 11:42

Huboto do na sai tongtong ditangihon Ho pangidoanKu, tapi Hudok pe songon i hara ni angka jolma na dison on do; anso porsaya halahi, na Ho do marsuru Au.”

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

JOHANNES 17:21

Hupangido tu Damang anso gabe sada halahi sude, songon Damang na sada dohot Au jana Au sada muse dohot Damang. Sai sada ma nian halahi dohot Hita anso porsaya portibi on na nisuru ni Damang do Au.

JOHANNES 17:23

sada Au dohot halahi jana sada Damang dohot Au; anso sada situtu halahi jana hara ni i botoon ni portibi on ma Damang do marsuru Au jana dihaholongi Damang do halahi songon panghaholongi ni Damang tu Au.

JOHANNES 17:25

Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

JOHANNES 5:36

Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

JOHANNES 5:38

Nada diargahon hamu di bagasan rohamunu angka hataNia, angke na so porsaya do hamu tu halak na nisuruNia.

JOHANNES 5:45

Ulang ma didok rohamunu na mangaduhon hamu Au tu Damang. Si Musa do na mangaduhon hamu–harana si Musa do na nipainte-intemunu.

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 6:57

Damang na mangolu i do na marsuru Au jana Au pe na mangolu sian Damang i do. Laing songon i muse ma na mangankon pamatangKu, laing sian Au ma ia mangolu.

JOHANNES 7:29

Anggo Au Hutanda do Ia, harana sian Ia do harorongKu jana Ia do na marsuru Au.”

JOHANNES 8:11

“Nada adong, Tuhan” ning ia mangalusi. Didok Jesus ma, “Antong denggan, Au pe nada Huuhumi ho. Kehe ma ho saonnari, ulang be datdati na mardosa tu pudi on.”]

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

1 JOHANNES 4:14

Madung hami ida sandiri Anak Ni Debata, jana saonnari hami saksihon, na dung disuru Ama i do Ia ro tu portibi on anso gabe Sipalua di portibi on.