JOHANNES 21:25 - BIBEL JAMITA NA DENGGAN

²⁵ Bahat dope nian angka pambaenan ni Jesus. Sugari nisuratkon i sudena pasada-sada, ning rohangku na satano on pe nada tuk inganan ni angka buku sisuraton.

JOHANNES 21:25 ပူးပေါင်းရင်းမြစ်များ

JOB 26:14

Tapi tanda ni kuasoNia ma i sudena; hum sora na lingo-lingoon do na lalu tu parbinegeanta. Na otik ma da na haastuan hita satontang tu Debata maradu hagodanganNia!”

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 71:15

Ganop ari caritohononku ma hadenggananMu, dohot haluaan na sian Ho na so hasuhatan.

PARJAMITA 12:12

Anakku, tu sada pangalaho angkon jamot do ho. Nada adong ujung ni panyuratan ni buku, jana mabahattu marsiajar mambaen loja do roha dohot pamatangniba.

AMOS 7:10

Ditongos si Amasia malim na di Betel ma lapuran tu si Jerobeam raja ni Israel songon on, “Martahi do si Amos dohot rayat i laho mambaen paraloan tu raja i. Manjajang-jajang rayat do hatania gabe mambaen sego luat on.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 19:24

Jana Hupaboa muse dope on di hamu; ummuraan dope unto mamolus sian lubang ni jait, ulang pado halak na kayo laho masuk tu Harajaan Ni Debata.”

MARKUS 5:16

Dicaritohon angka na marnida na masa i ma sasude na tarjadi tu bayo i dohot tu babi na sahulanan i.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

IBRANI 11:32

Antong, dia dope dokkononku? Tarpaboa au do sudena i tapi nada tuk hatiha di au. Na so hupaboa dope si Gidion, si Barak, si Simson, si Jefta, si Daud, si Samuel dohot angka panurirang i.