JOHANNES 21:19 - BIBEL JAMITA NA DENGGAN

¹⁹ Jadi na paboahon sanga na tarbia do parmate ni si Petrus saulahon laho pasangap Debata, i do na nidok ni Jesus disi.) Dung i didok Jesus ma tu si Petrus, “Ihutkon ma Au!” ning Ia.

JOHANNES 21:19 ပူးပေါင်းရင်းမြစ်များ

BILANGAN 14:24

Tapi anggo tu naposongKu si Kaleb, nada songon i. Tongtong do dioloi ia Au. Hara ni i ma angkon obanonKu ia tu tano na dung nibolusnia i. Jana tano na hornop inganan ni halak Amalek dohot halak Kanaan saonnari gabe bagian ni pomparan ni si Kaleb naposongKi. Antong ancogot mulak ma ho Musa, kehe tu parhorsihan adop Solok Akaba.”

MATEUS 10:38

Dung i, halak na so ra mamorsan silangna laho mangihutkon Au, nada tumbuk halak sisongon i di Au.

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MATEUS 8:22

Tapi dialusi Jesus ma, “Ihutkon ma Au, jana padiar ma halak na mate manguburkon na matena sandiri,” ning Ia.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 12:33

Na paboahon pangalaho ni hamateanNia na di parsilangkon i do na nidokNia songon i.

JOHANNES 18:32

Tarjadi pe songon on anso tulus do hata na nidok ni Jesus taringot tu pangalaho ni parmateNia.)

JOHANNES 21:18

Tutu do na Hudok on tu ho: Anggo dompak poso ho, dihobasi ho do dirimu jana mardalani ma ho sanga tu dia pe giotmu. Tapi muda dung matobang ho saulahon, surduhononmu ma tanganmu, jana halak na asing noma manghobasi ho jana maroban ho tu inganan na so giot ni rohamu.” (

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

2 PETRUS 1:14

Angke huboto do, nada pola honok be marujung ma ngolungku, harana madung tangkas dipaboa Tuhanta Jesus Kristus tu au.

1 SAMUEL 12:20

Gabe dialusi si Samuel ma, “Ulang hamu mabiar, haru pe na dung dibaen hamu hajahatan i, ulang ma hamu marbalik sian Tuhan, tapi sai tongtong ma hamu mangoloi tuSia sian sandok rohamunu.