JOHANNES 21:18 - BIBEL JAMITA NA DENGGAN

¹⁸ Tutu do na Hudok on tu ho: Anggo dompak poso ho, dihobasi ho do dirimu jana mardalani ma ho sanga tu dia pe giotmu. Tapi muda dung matobang ho saulahon, surduhononmu ma tanganmu, jana halak na asing noma manghobasi ho jana maroban ho tu inganan na so giot ni rohamu.” (

JOHANNES 21:18 ပူးပေါင်းရင်းမြစ်များ

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

JOHANNES 13:36

“O Tuhan, na giot tu dia do Ho Tuhan?” ning si Simon Petrus manyapai Jesus. Didok Jesus ma, “Na giot kehe do Au tu sada inganan, tapi nada tarihutkon ho Au tusi saonnari. Tu pudi on pe ihutkononmu Au.”

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

JOHANNES 21:19

Jadi na paboahon sanga na tarbia do parmate ni si Petrus saulahon laho pasangap Debata, i do na nidok ni Jesus disi.) Dung i didok Jesus ma tu si Petrus, “Ihutkon ma Au!” ning Ia.

BAENON NI ANGKA RASUL 21:11

Ro ma ia mandapotkon hami, lalu dibuat ia ma bobat ni si Paulus. Dirahuti ia ma patnia, songon i muse tangannia sandiri dohot bobat i jana didok ia ma, “On ma na nidok ni Tondi Parbadia: Rahuton ma nampuna bobat on di Jerusalem, songon on ma baenon ni halak Jahudi jana pasahatonna ma ia tu angka bangso na asing na so Jahudi,” ning ia.

2 KORINTUS 5:4

Salolot di bandar on hita maringanan, sai holsoan do hita hara ni dokdok ni pananggunganta. Nada hara ni na por rohanta malua sian pamatangta na sian tano on, tapi hara ni na lungun do rohanta laho manyolukkon pamatang na sian banua ginjang i tu na parjolo i anso dibondut hangoluan i pamatangta na ra mate on.