JOHANNES 21:17 - BIBEL JAMITA NA DENGGAN

¹⁷ Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

JOHANNES 21:17 ပူးပေါင်းရင်းမြစ်များ

2 SAMUEL 7:20

Aha dope na tardokkon au tu Ho? Madung diboto Ho sinasoada ni naposoMon.

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

1 JUJUR TAON 17:18

Aha dope he sidohononku tu Ho, ale Tuhan Debata? Tangkas do ditanda Ho sanga na ise au on, hape dilehen Ho do sangap di au naposoMon.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

ANDUNG 3:33

Nada sian pangonjar ni rohaNa dipadiar Ia hita mardangol jana mararsak roha.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MARKUS 14:72

Martahuak muse ma manuk disi paduanolihon. Diingot si Petrus muse ma na jungada didok Jesus tusia, “Dompak so martahuak manuk paduanolihon dope ma tolu noli didok ho, na so ditanda ho Au.” Dung i kehe ma si Petrus sian i tangis panguncombopon.

JOHANNES 12:8

Anggo halak na pogos tongtong do adong di tonga-tongamunu, tapi anggo Au nada tongtong rap dohot hamu.”

JOHANNES 13:38

Dialusi Jesus ma, “Tutu ma he na ra ho mate humopkop Au? Tutu do na Hudok on tu ho: Painte so martahuak manuk, ma pola tolu noli diporso ho Au!”

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 16:30

Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

JOHANNES 18:27

Dung i didok si Petrus ma mangulahi, “Nada,” – jana manigor martahuak ma manuk disi.

JOHANNES 18:4

Madung diboto Jesus hian sanga aha na giot masa tuSia. Dung i didapotkon Jesus ma angka jolma na ro i, ning Ia ma, “Ise dehe na nijalahanmunu?”

JOHANNES 21:18

Tutu do na Hudok on tu ho: Anggo dompak poso ho, dihobasi ho do dirimu jana mardalani ma ho sanga tu dia pe giotmu. Tapi muda dung matobang ho saulahon, surduhononmu ma tanganmu, jana halak na asing noma manghobasi ho jana maroban ho tu inganan na so giot ni rohamu.” (

JOHANNES 4:16

“Kehe ma ho jolo mamiohon halaklahimu, dung i ro ma ho mangulahi tuson,” ninna Jesus.

BAENON NI ANGKA RASUL 1:24

Dung i ditangiangkon halahi ma i. Ninna halahi ma, “O Tuhan, Ho do na umboto sude roha ni jolma. Madung ditinggalkon si Judas tohonan harasulonnia. Madung mate ia. Hara ni i patuduhon ma tu hami, sanga ise do sian na dua on na nitodoMu gabe hasahatan ni karejo i manggonti si Judas.”

BAENON NI ANGKA RASUL 11:10

Jabat tolu noli huida pangalaho i jana ujungna diangkat ma sudena i tu langit.

BAENON NI ANGKA RASUL 15:8

Jana dipatandahon Debata siida roha ni jolma i do na dung nijagitNia halahi; i ma na nipatuduhonNia di na nilehenNia Tondi Parbadia tu halahi laing songon na dung nilehenNia i tu hita muse.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.