“Sanga aha pe na tarjadi,” ning si Ahimaas mangulahi, “kehe do au.” “Antong anggo songon i, kehe ma ho,” ning si Joab. Jadi marlojong ma si Ahimaas paihut-ihut dalan manyalpui Rura Jordan, jana nada sadia honok, tarjoloi ia ma naposo halak Sudan sinangkin.
angkon paresoon ni malim do i. Muda umbagas do na mahancit i sian sibuk humaliangna, bope obuk na disi gabe gorsing jana ranggo, i ma tanda ni nyae kusta na maroban tu parmaraan, jadi angkon pabotohonon ma na dung ramun halahi.
Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.