JOHANNES 20:23 - BIBEL JAMITA NA DENGGAN

²³ Muda disesa hamu dosa ni sanga ise, laing tarsesa ma dosana i; muda nada disesa hamu dosa ni halak, laing na so tarsesa ma dosana i.”

JOHANNES 20:23 ပူးပေါင်းရင်းမြစ်များ

MATEUS 16:19

LehenonKu ma di ho kunci ni Harajaan Ni Banua Ginjang. Sanga aha na nilarangmu di ginjang tano on laing larangon ma i lopus tu banua ginjang. Sanga aha na nidokmu tigor di ginjang tano on, laing na tigor ma i lalu tu banua ginjang.”

MATEUS 18:18

“Ingot hamu on! Sanga aha na nitambatmunu di tano on, laing na tambat muse ma i di banua ginjang. Dung i sanga aha na nipaluamunu di tano on, laing na nipalua muse ma i di banua ginjang.”

JOHANNES 20:22

Dung didok Ia songon i mangombus ma Ia tu halahi jana ning Ia ma, “Jagit hamu ma Tondi Parbadia.

BAENON NI ANGKA RASUL 10:43

Sude do angka panurirang manaringoti Ia. Didok halahi, dapotan hasesaan ni dosa do sudena halak na porsaya tu Jesus, markite-hite goarNia.”

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

1 KORINTUS 5:4

“Mangasahon goar ni Tuhan Jesus Kristus hudok ma di hamu, angkon niuhum do halak na songon i hodar ni pangalahona!” Jadi muda marlagut hamu jana di tonga-tongamunu au markite-hite tondingku, mangasahon kuaso ni Tuhanta Jesus Kristus,

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

1 TIMOTEUS 1:20

I ma songon si Himeneus dohot si Aleksander. Ma hupasahat halahi na dua tu Sibolis, anso jora halahi mangincahi.