Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JOHANNES 20:17 - BIBEL JAMITA NA DENGGAN

17 Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

အခန်းကိုကြည့်ပါ။ ကော်ပီ




JOHANNES 20:17
48 ပူးပေါင်းရင်းမြစ်များ  

Ditailihon si Elisa ma si Gehasi jana didok ia ma, “Patibu! Buat tungkotku, ompoti kehe tu bagas ni inanta on. Ulang ho maradian-adian di tonga dalan manjalang sanga na ise pe. Muda adong pe halak manjalang ho, ulang parsayang tingki laho manjalangsa. Disi lalu ho manigor payakkon ma tungkotki tu pamatang ni dakdanak i.”


Dung i mangkatai ma halahi sama halahi, “Nada na denggan karejonta on! Barita na denggan do on! Sapatutna angkon paboaonta do on! Muda tapainte lalu tu ancogot, gabe hona uhum ma hita. Beta ma tapaboa na masa on tu angka parpangkat di harajaan on.”


Sai paboa-boaonku do pambaenanMu tu bangsoMu, di parluhut-luhutan ni halahi, papuji-pujionku do goarMu.


Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.


Paboa Ia do Debata, Debatanta sapanjangna, uluhononNia ma hita salolot-lolotna.


Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.


Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’


Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.


On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.


Gabe bangsongKu ma halahi, jana Au gabe Debata ni halahi.


Jadi maringanan ma hamu di tano na dung Hulehen di ompungmunu. Gabe bangsongKu ma hamu jana gabe Debatamunu ma Au.


Rap ma Au dohot halahi, Au noma gabe Debata ni halahi jana halahi gabe bangsongKu.


Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”


Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’


Ompoti hamu ma saonnari kehe paboahon tu angka anak siseanNia. ‘Madung mulak mangolu Ia mangulahi. Dijoloi Ia ma hamu tu Galilea. Disi ma Ia idaonmunu!’ Ingot hamu ma na hudok on tu hamu.”


Dung i anggo taringot tu angka na mate i na dipangolu mangulahi, adong he na so jungada dope disise hamu di buku ni si Musa taringot tu ramba na gor i? Di angka ayat i adong do tarsurat na nidok ni Debata tu si Musa songon on, ‘Au do Debata ni si Abraham, Debata ni si Ishak dohot Debata ni si Jakob.’


Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.


Ulang oban hamu huncang sanga inganan ni hepeng, sanga pe sipatu. Ulang pola jalang hamu halak di tonga dalan.


Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.


Diboto Jesus do na dung dipasahat AmangNia sude kuaso tuSia. Jana diboto Ia muse do na ro sian Debata Ia, jana angkon mulak muse Ia tu Debata.


Bahat do inganan di bagas ni Damang. Na giot pasingkop ingananmunu do Au kehe tusi. Pola ma Hudok songon i tu hamu, anggo na so tutu do songon i?


Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.


Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.


Tutu do i na ro sian Ama i do Au, jana madung Hudapotkon portibi on. Tapi saonnari, tadingkononKu ma mangulahi portibi on, mulak ma Au tu Damang.”


Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.


Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.


Amang! Pasangap ma Au saonnari markite-hite hasangapan na Hujagit rap dohot Ho dompak so dijadihon dope portibi on.


Dung i didok Jesus ma tu si Tomas, “Baen tuson jari-jarimi, ligi ma tanganKon. Surduhon ma tanganmi tu rusukKon. Ulang be ganggu rohamu. Porsaya ma ho!”


Didok Jesus ma, “Hum santongkin nari noma Au rap dohot hamu. Dung i mulak ma Au mandapotkon na marsuru Au.


Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.


Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”


Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.


Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.


Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.


Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.


Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.


Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.


Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ