JOHANNES 20:1 - BIBEL JAMITA NA DENGGAN

¹ Andostorang ni Ari Mingguna i kehe ma si Maria Magdalena tu kuburan i. Diida ia ma madung digulang batu panutup ni tanoman i sian baba ni kuburan i.

JOHANNES 20:1 ပူးပေါင်းရင်းမြစ်များ

MATEUS 27:56

I ma angka si Maria Magdalena, si Maria inang ni si Jakobus dohot si Josep dohot inang ni dakdanak ni si Zebedeus.

MATEUS 27:60

Dipayakkon si Josep ma bangke ni Jesus i di bagasan kuburan, ia puna sandiri. Na baru dituhil dope i, i ma di sada dolok batu. Digulang ia ma sada batu na godang tu baba ni kuburan i, kehe ma ia.

MATEUS 27:64

Jadi hara ni i, suru ma halak manjago kuburan i tangkas lalu tu ari patoluhon. Anggo inda songon i, ro ma angka anak siseanNia i manangkosa gabe dohonon ni halahi ma tu halak, ‘Ma mulak mangolu Ia mangulahi.’ Gabe gumodang dope gabus na parpudi on sian na parjolo.”

MATEUS 27:66

Jadi kehe ma halahi tu kuburan i. Disegel halahi ma batu panutupna i. Dung i disuru halahi ma angka tentara na manjagoi disi.

MATEUS 28:1

Dung salpu Ari Sabat, andostorang ni Ari Mingguna i kehe ma si Maria Magdalena dohot si Maria na asing mangaligi kuburan i.

MATEUS 28:2

Jadi tompu ma masa lalo na gogo. Na mijur do sada surusuruan sian banua ginjang manggulang batu panutup ni tanoman i. Dung i juguk ma ia diginjang batu i.

MARKUS 15:46

Dung i ditobusi si Josep ma kopenna linen na halus. Dung dipaijur ia bangke ni Jesus i dibalut ia ma dohot kopen nangkinan i. Dung i dipamasuk ia ma bangke ni Jesus i tu bagasan sada kuburan na imbaru na nituhil di sada dolok batu. Dung i digulang ia ma sada batu na godang tu baba ni tanoman i, panutupna.

MARKUS 16:9

Dung mulak mangolu Jesus, di Ari Minggu manyogot disi ma parjolo dipatidahon Ia diriNia tu si Maria Magdalena. (Sian si Maria on ma unjung dipaorot Ia pitu setan.) Kehe ma dadaboru i mandapotkon si Petrus rap dohot angka dongannia i, manigor dipaboa halahi ma bope hum saotik, sude na nipaboa ni doli-doli i tu halahi.

JOHANNES 11:38

Di bagasan arsak dohot ibo ni roha, kehe ma Jesus tu kuburan i. Songon liang na ditutup dohot batu na godang do kuburan i.

JOHANNES 11:41

Dung i dipaorot halahi ma batu i. Jadi manatap ma Jesus tu langit jana didok Ia ma, “Tarimakasi ma Hudok tu Ho Amang hara ni na nitangihonMu pangidoanKu.

JOHANNES 19:25

Jongjong ma di lambung ni parsilang ni Jesus i, inangNia, bujingNia, si Maria dadaboru ni si Klopas dohot si Maria Magdalena.

JOHANNES 20:26

Dung salapan ari, marlagut ma mangulahi angka sisean ni Jesus di bagas i, dohot ma si Tomas disi. Margoruk do sude pintu ni bagas i. Tapi ro ma Jesus jongjong di tonga-tonga ni halahi, ning Ia ma, “Hasonangan ma di hamu!”

BAENON NI ANGKA RASUL 20:7

Di ari na parjolo ni minggu i, dompak marlagut hami giot mamonggoli roti, mangkatai ma si Paulus tu angka dongan na disi, harana marsangkap do ia laho kehe ancogotna i. Lopus tonga borngin laing didatdati si Paulus dope na mangkobari i.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.