JOHANNES 2:4 - BIBEL JAMITA NA DENGGAN

⁴ Dialusi Jesus ma, “Aha do na dihagiotimu sian Au, inang? Napodo dapot dope hatihangKu.”

JOHANNES 2:4 ပူးပေါင်းရင်းမြစ်များ

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

2 SAMUEL 19:22

Tapi mangkuling ma si Daud tu si Abisai dohot si Joab, mandok, “Ulang manganto-antoi hamu. Biasi arsahanmunu au? Di ari sadari on mulak au gabe raja di Israel, jana nada adong tola halak Israel na mate hona uhum.”

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

PARJAMITA 3:1

“Marhatiha do sude na masa, jana sanga aha pe di toru ni langit adong do hatihana.

MATEUS 15:28

Gabe didok Jesus ma tusia, “Godangna i haporsayaanmi, da inang! Tulus ma di ho sanga aha na nihalungunkonmi!” Laing di na santongkin i, malum ma manigor borunia i.

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

LUKAS 2:49

Dialusi Jesus ma, “Biasi pola jalak-jalahan ni amang dohot inang Au? Inda diboto amang dohot inang lakna paboa na angkon di bagas ni Damang Au?”

JOHANNES 12:23

Dung i didok Jesus ma tu halahi, “Madung dapot hatihana pasangapon Anak Ni Jolma i.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 2:3

Jadi dung abis sudena anggur, didok inang ni Jesus ma tuSia, “Madung abis anggur ni halahi.”

JOHANNES 20:13

Disapai surusuruan i ma tu si Maria, “Biasi tangis ho inang?” ninna halahi. Dialusi si Maria ma, “Madung dibuat halak Tuhanku hape nada huboto sanga na tu dia dibaen halahi.”

JOHANNES 20:15

Disapai Jesus ma tusia, “Biasi tangis ho inang? Ise na nijalahanmu?” Ning roha ni si Maria, panjago ni kobun i do i. Jadi didok si Maria ma, “Muda hamu do amang paimbarkon sian on, paboa ma jolo tu au sanga di dia dibaen ho Ia. Au pe mambuatsa annon.”

JOHANNES 7:30

Jadi dirohahon halahi ma giot manangkup Ia, tapi inda adong na puluk manjama Ia, angke nada dapot dope hatihaNa.

JOHANNES 7:6

Jadi dialusi Jesus ma, “Nada hatihana dope anggo di Au, tapi anggo di hamu tongtong do dapot hatihana.

JOHANNES 7:8

Hamu sajo ma jolo kehe tu pesta i. Anggo Au indangkon ma sai kehe tusi, angke nada hatihana dope di Au.”

JOHANNES 8:20

Sudena i didok Jesus, hatiha mangajari Ia di Bagas Ni Debata di lambung ni poti hepeng. Tapi sahalak pe nada adong na manangkup Ia, angke nada podo dapot hatihana.

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.