JOHANNES 2:16 - BIBEL JAMITA NA DENGGAN

¹⁶ Dung i didok Ia ma tu panggadis darapati i, “Oban hamu sude unggas i. Ulang baen hamu gabe inganan parjagalan Bagas Ni Damang!”

JOHANNES 2:16 ပူးပေါင်းရင်းမြစ်များ

JEREMIA 7:11

Adong he na dietong rohamunu do asar ni panyamun BagasKon? Huida do sude pangalahomunu i.

MATEUS 21:12

Dung i masuk ma Jesus tu alaman ni Bagas Ni Debata. Dipaorot Ia ma sude angka na marjagal disi. Diparbalikkon Ia ma sude meja ni angka panukar hepeng dohot bangku-bangku ni parjagal darapati.

MATEUS 21:13

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

MATEUS 22:5

Hape inda ditangihon halak na niontang i soso-soso i. Tapi marmorotan do halahi tu karejona. Adong na kehe tu ladangna, na deba tu parusahoanna;

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”

LUKAS 2:49

Dialusi Jesus ma, “Biasi pola jalak-jalahan ni amang dohot inang Au? Inda diboto amang dohot inang lakna paboa na angkon di bagas ni Damang Au?”

JOHANNES 10:29

Gumodangan dope Damang na mangalehen halahi di Au sian sasudena. Jana nada tarrampas sanga ise pe halahi sian parmahanion ni Damang.

JOHANNES 2:15

Dipature Ia ma sada sambok-sambok sian tali, diusir Ia ma sude angka pahan-pahanan i sian Bagas Ni Debata, biri-biri i sude dohot lombu i. Diparbalikkon Ia ma sude meja ni situkar hepeng i, gabe marsarsaran ma hepeng ni halahi.

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

JOHANNES 5:17

Tapi didok Jesus ma tu halahi, “Tongtong do markarejo Damang; jana Au pe angkon laing markarejo do.”

JOHANNES 8:49

Dialusi Jesus ma, “Nada na nisonggopan ni setan Au! Na pasangapkon Damang do Au, hape nada dipasangap hamu Au.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.