JOHANNES 2:11 - BIBEL JAMITA NA DENGGAN

¹¹ I ma tanda hahomangan na parjolo dibaen Jesus; i ma na nibaenNia di Kana na di Luat Galilea. Dipatuduhon Jesus ma hasangapanNia markite-hite hahomangan i. Gabe porsaya ma tuSia angka siseanNia i.

JOHANNES 2:11 ပူးပေါင်းရင်းမြစ်များ

1 RAJA-RAJA 17:24

Dialusi na mabalu i ma, “Saonnari tangkas ma huboto, naposo ni Debata do ho amang jana tutu do mangkobari Tuhan markite-hite ho amang.”

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

MASMUR 96:3

Caritohon hamu ma tu angka bangso hagodanganNia, paboa ma angka hahomangan na nibaenNia tu sude jolma manusia.

HARURUAR 14:31

Dung diida halak Israel ditaluhon Tuhan halak Mesir i markite-hite kuaso na godang, tarhalomong ma halahi tu Tuhan. Porsaya ma halahi tuSia dohot tu si Musa naposoNa i.

HARURUAR 4:9

Muda laing so porsaya do halahi di ho, haru pe madung diida halahi tanda hahomangan na dua i, jana nada ditangihon halahi hatamu, buat ma aek saotik sian Batang aek Nil lalu usehon tu tano i. Muba ma aek i gabe mudar.”

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 1:43

Ancogotna i ditontuhon Jesus ma anso kehe Ia tu Galilea. Marsuo ma Ia dohot si Pilipus, dung i ning Ia ma tu si Pilipus, “Beta, ihutkon ma Au!” (

JOHANNES 1:50

Dung i didok Jesus ma, “Adong he hara ni na Hudok i, madung Huida ho dompak di toru ni bona ni hayu ara i dope ho umbaen na porsaya ho? Idaonmu dope angka pangalaho na gumodang sian i!”

JOHANNES 10:41

Marroan ma bahat halak mandapotkon Ia. Didok halahi ma, “Nada nian mambaen tanda hahomangan si Johannes, tapi tutu do sude na nidok ni si Johannes taringot tu Bayo on.”

JOHANNES 11:15

Tapi hara ni na porlu tu hamu sude, gabe jop do rohangKu nada disi Au, anso porsaya hamu. Beta ma tadapotkon si Lasarus.”

JOHANNES 11:47

Jadi hara ni i, dibaen angka halak Parise dohot angka sintua ni malim ma rapot, i ma rapot godang ni ugamo i. Didok halahi ma disi, “Bia noma baenonta? Bahat do dibaen Bayo i hahomangan!

JOHANNES 12:18

I do umbaen na marroan halak na bahat i mandapotkon Jesus, harana madung dibege halahi na nibaenNia hahomangan i.

JOHANNES 12:37

Madung bahat sajo angka hahomangan dibaen Jesus di jolo ni halahi. Tapi haru songon i pe nada porsaya halahi tuSia.

JOHANNES 12:41

Songon i do didok si Jesaya, harana madung diida ia hasangapanNia jana na mangkobari ia taringot tuSia.

JOHANNES 14:13

Jana sanga aha pe na nipangidomunu di bagasan goarKu, baenonKu ma i di hamu, anso nipasangap Ama i markite-hite Anak i.

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JOHANNES 16:30

Saonnari madung tangkas di hami, diboto Ho do sasudena; jana nada porlu be sapaan ni halak sanga na aha tu Ho. Jadi hara ni i, porsaya ma hami na sian Debata do haroroMu.”

JOHANNES 2:1

Dung dua ari, adong ma pesta ni na marbagas di kota Kana na di Galilea. Ro do tusi inang ni Jesus,

JOHANNES 2:23

Hatiha di Jerusalem Jesus di Pesta Paskah i, bahat do halak na porsaya dung diida halahi angka hahomangan na nibaenNia.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 4:3

Dung tarboto tu Jesus na dung tarbege na songon i tu halak Parise, gabe kehe ma Ia sian Judea jana mulak tu Galilea.

JOHANNES 4:46

Jadi bolkas ma Jesus tu Kana di Galilea, di kota i ma na nibaenNia aek gabe anggur. Adong ma sahalak pagawe ni bagas godang na topet marnyae anakna di Kapernaum.

JOHANNES 4:54

I ma tanda hahomangan na paduahon dibaen Jesus di Galilea dung ro Ia sian Judea.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

JOHANNES 6:2

Diihutkon halak na bahat i ma Ia hara ni na dung niida ni halahi angka pangalaho hahomangan na nibaenNia dompak pamalumkon angka na marnyae Ia.

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

JOHANNES 6:30

Didok halahi ma, “Antong anggo songon i, adong dehe tanda hahomangan sibaenonmi Guru siidaonna ni anso porsaya hami tu Ama i? Patidahon ma sanga aha do na tarbaen Ho!

JOHANNES 7:31

Tamba ni i, bahat muse do sian angka jolma na bahat i na porsaya tuSia, didok halahi ma, “Muda ro Kristus i tarbaen Ia dope ulaning hahomangan umbahat sian na dung binaenNia on?”

JOHANNES 9:16

Adong ma deba sian halak Parise i na mandok, “Nada sian Debata asal ni Bayo na mambaen i, harana dilanggar Ia do tona ni ugamo taringot tu Ari Sabat.” Tapi didok halak na asing ma, “Dia ma tarbaen halak pardosa patupa angka hahomangan sisongon i?” Paasing-asing pandapot ma halahi.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

PANGARATAION 5:24

Didok halahi, ‘Dipatuduhon Tuhan Debatanta i do hagodangan dohot hamuliaanNa di na hami bege Ia mangkuling sian api i! Madung hami saksihon di ari sadari on, na bolas do di sada-sada halak laing hot tongtong mangolu, haru pe na dung mangkuling Debata tusia.

1 JOHANNES 5:13

Hubaen pe surat on tu hamu angka na mangkaporsayai Anak Ni Debata anso diboto hamunu do na dung maruli ngolu na manongtong i hamu.