JOHANNES 19:6 - BIBEL JAMITA NA DENGGAN

⁶ Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

JOHANNES 19:6 ပူးပေါင်းရင်းမြစ်များ

MATEUS 26:58

Jadi diihutkon si Petrus ma hatiha i Jesus sian na dao lopus lalu tu alaman ni bagas ni Malim Godang i. Masuk ma si Petrus tu alaman i, disi ma ia juguk rap dohot angka panjago i. Sanga songon dia ujungna anso diboto ia.

MATEUS 27:22

“Antong, aha ma baenonku tu Jesus na margoar Kristus i?” ninna si Latus manyapai halahi. “Parsilangkon ma i!” ninna halahi mangalusi.

MATEUS 27:24

Diida si Latus ma na so marguna be hatania i sude. Aropku mur mambaen gaor ma halahi laho mangalo, ning rohania. Ujungna dibuat ia ma aek. Dibasu ia ma tangannia di jolo ni halak na bahat i. Didok ia ma hatania, “Inda ahana di au muda mate halak na tigor on! Sahat di hamu ma i!”

LUKAS 23:4

Dung i didok si Latus ma tu angka sintua ni malim i dohot tu halak na bahat, “Nada adong dapot au sanga aha pe hasalaanNia.”

JOHANNES 18:3

Dung i ro ma si Judas tu inganan i, dioban ia ma saparangan tentara dohot angka panjago ni Bagas Ni Debata na nisuru ni angka sintua ni malim dohot halak Parise. Maroban sinjata do halahi, lampu dohot sulu.

JOHANNES 18:31

Didok si Latus ma tu halahi, “Hamu ma mamaresoSa dohot mamutuskon uhuman mangihutkon tona ni ugamomunu sandiri!” Tapi dialusi halak Jahudi i ma, “Nada tola bunuonnami sanga ise.” (

JOHANNES 18:38

Disapai si Latus ma Ia, “Aha dehe arti ni hasintongan?” Dung i marlojong ma si Latus kehe tu ruar mandapotkon halak Jahudi i, didok ia ma tu halahi, “Sada pe nada adong dapot au hasalaanNia.

JOHANNES 19:15

Marsurak-surak ma halahi, ninna halahi, “Bunu ma i! Bunu ma! Parsilangkon i!” Dung i ninna si Latus ma mandok tu halahi, “Parsilangkononku ma he Rajamunu?” Dialusi angka kapala ni malim i ma, “Hum sasada Kesar i do rajanami!”

JOHANNES 19:4

Dung i haruar ma si Latus sanoli nari, didok ia ma tu halak na bahat i, “Ligi hamu ma! Madung huoban Ia saonnari tu ruar anso diboto hamu na so adong dapot au hasalaanNia bagi aha pe.”

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.