JOHANNES 19:5 - BIBEL JAMITA NA DENGGAN

⁵ Dung i haruar ma Jesus mamake tuku duri dohot baju juba na ungu i. Didok si Latus ma tu halahi, “Ligi hamu ma halak on!”

JOHANNES 19:5 ပူးပေါင်းရင်းမြစ်များ

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

MATEUS 27:29

Didandan halahi ma duri-duri gabe tuku, dipamasuk halahi ma i tu ulu ni Jesus. Dilehen halahi ma sada tungkot tu tanganNia. Marsomba ma halahi di joloNia palayas-layaskon. “Santabi ma di Ho ale Raja ni halak Jahudi!”

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 19:2

Dibaen angka tentara na disi i ma sada tuku sian angka ranting na marduri-duri. Dipamasuk halahi ma tuku i tu ginjang ni ulu ni Jesus. Dung i dipamasuk halahi ma baju juba na ungu tuSia,

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.