JOHANNES 19:40 - BIBEL JAMITA NA DENGGAN

⁴⁰ Dibuat halahi na dua ma bangke ni Jesus, dibaen halahi ma kopenna dohot angka ramu-ramuan i songon na nihasomalkon ni halak Jahudi laho mananom na mate.

JOHANNES 19:40 ပူးပေါင်းရင်းမြစ်များ

PAMUNGKAAN 50:2

Jadi didok si Josep ma anso nilapu dohot parmasak bangke ni amangna i.

2 JUJUR TAON 16:14

Dibaen ma tu bangkenia ramuan na sian parmasak dohot angka na huskus, lalu dikuburkon ma di kuburan ni angka raja na di Kota Ni si Daud. Jana laho mangalehen sangap tusia, dipagara rayat i ma purunan na godang situtu.

MATEUS 26:12

Di na niduruskonnia miak na huskus i tu Au, na paradehon Au noma i tu hatatanomKu.

MARKUS 14:8

Anggo anak boru on, ma dibaen ia intap ni na lobas gogonia. Dompak so dapot dope hatihana ma dihobasi ia hian Au dohot miak na huskus i tu hatiha hatatanomKu.

LUKAS 24:12

Tapi anggo si Petrus jongjong ma ia marlojong tu kuburan. Dipaunduk ia ma mangaligi tu bagasan, diida ia ma, hum kopen i sajo do na disi. Homang ma roha ni si Petrus, jana marragam ma sapa-sapa di bagasan rohania hara ni na masa i di na kehe ia mulak.

JOHANNES 11:44

Dung i haruar ma bayo na dung mate i. Laing bungkus dope tanganna i dohot patna i dibaen kopenna i, jana bohina i pe laing ditutupi kopen panutup ni bohi i dope. “Buka hamu kopenna i,” ninna Jesus tu halak na disi i, “jana padalan hamu ma ia.”

JOHANNES 12:7

Tapi didok Jesus ma, “Padiar ma songon i. Tu ari pananomanKu do i dibaen ia.

BAENON NI ANGKA RASUL 5:6

Jadi marroan ma angka doli-doli mambalut bangke ni si Ananias i, dioban halahi ma tu balian laho manguburkonsa.