JOHANNES 19:36 - BIBEL JAMITA NA DENGGAN

³⁶ Umbaen na songon i pe i, anso laing tulus do tarjadi na tarsurat di Buku Na Badia i, i ma, “Umpe sada sian holi-holiNa i na niponggol.”

JOHANNES 19:36 ပူးပေါင်းရင်းမြစ်များ

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

MASMUR 34:20

Dijagohon Tuhan do sude pamatangnia, jadi sada pe sian holi-holina nada adong na maponggol.

MASMUR 35:10

Sian sandok rohangku hudok hatangku, “Tuhan, nada adong da tudosanMu! Diondihon Ho do na gale sian na gogo na pogos dohot na marhancit sian na manyosaksa.”

HARURUAR 12:46

Sude panganon i angkon panganon di inganan pangaradeanna i, nada tola obanon ruar sian i. Ulang niponggolkon sada pe sian holi-holi ni pahan-pahanan i.

BILANGAN 9:12

Ulang adong na nitinggalkon sanga panganon aha pe tu ari ancogotna i, jana nada tola hamu mamonggol holi-holi ni pahan-pahanan na haulkon tu Tuhan. Pestahon hamu ma Paskah i mangihutkon sude aturan.

MATEUS 1:22

Tulus pe songon i sudena, anso laing tulus do muse sanga aha na nidok ni Tuhan marhite panurirangNa, na mandok songon on,

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 19:24

Dung i didok angka tentara i ma sama halahi, “Ulang pola tabagi anggo on. Taundi ma manontuhon sanga ise na mandapot on.” Anso laing tulus ma tarjadi na tarsurat di Buku Na Badia i na mandok songon on, “Dibagi-bagi halahi ma pakeanKu. Jana diundi halahi ma laho manontuhon bajungKu.” I ma na dung nipatulus ni angka tentara i.

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”