JOHANNES 19:31 - BIBEL JAMITA NA DENGGAN

³¹ Ari Jumahat do hatiha i, i ma ari parhobasan tu Ari Pesta Paskah i. Nada tola di halak Jahudi laing gantung bangke ni halak na niparsilangkon di hayu parsilang di Ari Sabat. Tarlobi Ari Sabat na gumodang do Ari Sabat on. Jadi hara ni i dipangido halak Jahudi i ma tu si Latus anso niponggolan holi-holi ni pat ni angka na diparsilangkon i anso nipaijur bangke ni halahi sian hayu parsilang i.

JOHANNES 19:31 ပူးပေါင်းရင်းမြစ်များ

HARURUAR 12:16

Di ari parjolo dohot di ari papituhon, angkon marlagut ma hamu maribadat. Di ari i nada tola adong markarejo hum saotik pe. Hum pasingkop panganon do tola si karejohononmunu.

PODA 12:10

Halak na denggan manghaholongi pahan-pahananna; halak na jahat mamparhancitisa.

MIKA 3:3

Dipolgak hamu do bangsongKi. Disibak-sibak hamu bobakna i jana ditapor hamu holi-holina i. Diponggol-ponggol hamu halahi songon na mananggoi juhut laho pamasukkon tu bagasan huali.

MATEUS 27:62

Ancogotna i, na mangihut tu ari parkobasan i kehe ma angka Sintua Ni Malim dohot angka Parise mangadop tu si Latus.

MARKUS 15:42

Jadi dung potang ari ro ma si Josep na sian Arimatea. Halak na diparsangapi do ia di Rapot Godang ni Ugamo. Laing na tarpainte-inte ma ia sanga andigan do pungkaon ni Debata PangarajaionNa. Ari parkobasan do topet sadari i (i ma ari na mandapotkon Ari Sabat). Jadi dihabaranihon si Josep ma mangadop tu si Latus laho mangido bangke ni Jesus.

JOHANNES 19:1

Dung i ditogu si Latus ma Jesus, jana diloncingi ma Ia.

JOHANNES 19:14

Hira-hira pukul dua bolas ma hatiha i, jana andospotangna i mamungka ma etongon Ari Sabat. Didok si Latus ma tu halak Jahudi i, “Na ma, indon rajamunu on!”

JOHANNES 19:42

Gabe tusi ma dipamasuk halahi bangke ni Jesus hara ni na giot dapot ma Ari Sabat, boti hara ni donokna.

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.