JOHANNES 19:27 - BIBEL JAMITA NA DENGGAN

²⁷ Dung i didok Jesus ma tu siseanNia i, “Ligi ma, inangmu do indon!” Mamungka sian i dioban sisean i ma inang ni Jesus tinggal di bagasnia sandiri.

JOHANNES 19:27 ပူးပေါင်းရင်းမြစ်များ

PAMUNGKAAN 45:8

Jadi anggo satutuna, nanggo hamu da na manongos au tuson, tapi Debata do. Madung dibaen Debata au gabe pagawe na pargincat di raja i. Dipasahat do tu au sude kuaso na di luat on; au do na markuaso di tano Mesir on sude.

PAMUNGKAAN 47:12

Jana dipasingkop si Josep ma haporluan ni balanjo di amangnia, di angka kahangginia dohot di sude koum sisolkotnia lopus tu na umposo pe.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MARKUS 3:34

Dung i diligi Ia ma tu angka na marjuguhan i na humaliang Ia, ning Ia ma, “On do Dainang dohot angka kahanggingKu!

LUKAS 18:28

Dung i didok si Petrus ma, “Madung hami tinggalkon sude na adong di hami; jana mangihutkon Ho.”

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

BAENON NI ANGKA RASUL 21:6

Dung i marsijalangan ma hami, lalu masuk tu kapal, jana halahi pe mulak be ma tu bagasna.