JOHANNES 19:22 - BIBEL JAMITA NA DENGGAN

²² Tapi ninna si Latus ma mangalusi, “Nada uba-ubaon be sanga aha na dung husuratkon i!”

JOHANNES 19:22 ပူးပေါင်းရင်းမြစ်များ

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

MASMUR 65:7

Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

PODA 8:29

di na niparentahonNa galumbang ni laut anso ulang salpu di angka batasna. Au pe dohot do disi di na mamayakkon ojahan ni portibi.

JOHANNES 19:12

Dung dibege si Latus na songon i mur diakalkon ia ma palua Jesus. Tapi marsurak-surak ma halak Jahudi i, “Muda dipalua tuan i do i, na so dongan ni Kesar do tuan i! Sanga ise na mandok diriNa raja, alo ni Kesar do i!”