JOHANNES 19:20 - BIBEL JAMITA NA DENGGAN

²⁰ Bahat ma halak na manyise suratna i, harana nada pola sadia dao inganan i sian kota. Disuratkon di hata Ibrani, hata Latin dohot hata Junani do dibaen suratna i.

JOHANNES 19:20 ပူးပေါင်းရင်းမြစ်များ

LUKAS 23:38

Di ginjang ni parsilang ni Jesus tarsurat do angka pandohan on, “On ma Raja Ni Halak Jahudi.”

JOHANNES 19:13

Disi dibege si Latus angka pandohan i, dioban ia ma Jesus tu ruar jana juguk ma ia di juguhan paruhuman di inganan na margoar Litostrotos (astuanna: pantar batu; di hata Ibrani digoari do i Gabbata).

JOHANNES 19:42

Gabe tusi ma dipamasuk halahi bangke ni Jesus hara ni na giot dapot ma Ari Sabat, boti hara ni donokna.

JOHANNES 5:2

Di Jerusalem di lambung ni “Horbangan Biri-biri,” adong do sada paridian. Di hata Ibrani digoar do i Betesda. Adong muse do lima sopo-sopo humaliang paridian i.

BAENON NI ANGKA RASUL 21:37

Jadi di na laho masuk tu markas i, didok si Paulus ma tu komandan i, “Tola do au mandok hata saotik tu komandan i?” ning ia. Didok komandan i ma, “Malo do ho marhata Junani lakna?”

BAENON NI ANGKA RASUL 21:40

Jadi dung dipaloas komandan i si Paulus mandok hata, jongjong ma ia di tangga i, dihiap ia ma dohot tangannia. Gabe sip ma sude halak na disi i. Dung i mandok hata ma ia di hata Ibrani. Didok ia ma,

BAENON NI ANGKA RASUL 22:2

Dung marhata Ibrani si Paulus dibege halahi, mur hohom ma halahi. Dung i dipaudut si Paulus ma hobarnia.

BAENON NI ANGKA RASUL 26:14

Gabe martungkapan ma hami sude tu tano i. Dung i hubege ma sada sora di hata Ibrani na mandok tu au, ‘Saulus, Saulus! Biasi dope sai diparkanciti ho Au? Hancit ma hilalaonmu, muda sai dialo ho, pamimpin na gabe tuanmu.’

IBRANI 13:12

Hara ni i ma umbaen na di ruar ni horbangan ni kota Jesus mate laho paiaskon bangsoNa sian dosa markite-hite mudarNia i sandiri.

HALUMBAAN 16:16

Dung i dipalagut tondi na tolu i ma angka raja i tu inganan na nigoaran di hata Ibrani, Armagedon.

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).