JOHANNES 19:19 - BIBEL JAMITA NA DENGGAN

¹⁹ Di hayu parsilang ni Jesus, disuru si Latus ma dibaen surat songon on, “Jesus na sian Nasaret Raja Ni halak Jahudi.”

JOHANNES 19:19 ပူးပေါင်းရင်းမြစ်များ

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

MATEUS 27:37

Dilohotkon halahi ma di ginjang uluNia surat paboahon hasalaanNia. Songon on ma hatana, “Indon ma Jesus Raja ni halak Jahudi”.

MARKUS 15:26

Di ginjang ni parsilang i disuratkon do hasalaan na dituhaskon tuSia. On ma na disuratkon disi, “Raja Ni Halak Jahudi.”

LUKAS 18:37

Didok halahi ma, “Mamolus Jesus, halak Nasaret i.”

LUKAS 23:38

Di ginjang ni parsilang ni Jesus tarsurat do angka pandohan on, “On ma Raja Ni Halak Jahudi.”

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 18:33

Masuk ma si Latus mangulahi tu bagasan mamiohon Jesus. Dung i disapai ia ma Jesus ning ia ma, “Adong he Raja Ni halak Jahudi Ho?”

JOHANNES 19:12

Dung dibege si Latus na songon i mur diakalkon ia ma palua Jesus. Tapi marsurak-surak ma halak Jahudi i, “Muda dipalua tuan i do i, na so dongan ni Kesar do tuan i! Sanga ise na mandok diriNa raja, alo ni Kesar do i!”

JOHANNES 19:14

Hira-hira pukul dua bolas ma hatiha i, jana andospotangna i mamungka ma etongon Ari Sabat. Didok si Latus ma tu halak Jahudi i, “Na ma, indon rajamunu on!”

JOHANNES 19:21

Didok angka sintua ni malim ni halak Jahudi i ma tu si Latus, “Ulang ma suratkon ‘Raja Ni halak Jahudi,’ songon on ma suratkon disi, ‘Didok Bayo on, Au do Raja Ni halak Jahudi.’ ”

JOHANNES 19:3

lalu marroan ma halahi tu joloNia ninna halahi ma, “Horas ma di Raja i, Raja Ni halak Jahudi!” Dung i ditampeleng halahi ma Ia.

BAENON NI ANGKA RASUL 26:9

Anggo nabaruon au sandiri pe marpandapot, angkon niputusan do gogoniba laho mangalo Jesus halak Nasaret i.

BAENON NI ANGKA RASUL 3:6

Tapi didok si Petrus ma tusia, “Anggo perak dohot sere nada adong di au. Tapi sanga aha na adong di au, hulehen pe di ho. Mangasahon goar ni Jesus Kristus na sian Nasaret i, mardalan ma ho!” ning ia.