JOHANNES 18:8 - BIBEL JAMITA NA DENGGAN

⁸ Didok Jesus ma, “Madung Hudok Au do i. Jadi muda Au do na nijalahanmunu, padiar hamu ma anggo songon i kehe na asing on.” (

JOHANNES 18:8 ပူးပေါင်းရင်းမြစ်များ

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

JOHANNES 10:28

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 13:36

“O Tuhan, na giot tu dia do Ho Tuhan?” ning si Simon Petrus manyapai Jesus. Didok Jesus ma, “Na giot kehe do Au tu sada inganan, tapi nada tarihutkon ho Au tusi saonnari. Tu pudi on pe ihutkononmu Au.”

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

JOHANNES 18:7

Dung i disapai Jesus ma halahi sanoli nari, “Ise na nijalahanmunu?” ning Ia. “Jesus halak Nasaret i,” ning halahi mangalusi.

JOHANNES 18:9

Di na nidokNia songon i, tulus ma tarjadi na nidokNia hian; songon on, “Ale Amang, sian sude na nipasahat ni Damang i tu Au, umpe sahalak na gabe mago.”)

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

EPESUS 5:25

Hamu angka halaklahi, haholongi hamu ma dadaborumunu be, laing songon pangkaholongi ni Kristus di parlagutan i jana dilehen Ia do gabe haul diriNia hara ni parlagutan i.

1 PETRUS 5:7

Pasahat hamu ma sudena holos ni rohamunu tu Debata, angke diparrohahon Ia do hamu.