JOHANNES 18:4 - BIBEL JAMITA NA DENGGAN

⁴ Madung diboto Jesus hian sanga aha na giot masa tuSia. Dung i didapotkon Jesus ma angka jolma na ro i, ning Ia ma, “Ise dehe na nijalahanmunu?”

JOHANNES 18:4 ပူးပေါင်းရင်းမြစ်များ

1 RAJA-RAJA 18:10

Mangasahon Debatamu Tuhan na mangolu i, husumpahon ma, na dung disuru raja i do manjalahi ho amang di ganop luat di na satano on. Muda didok parkuaso di sada luat na so adong ho di luat i, digogohon si Ahab do anso marsumpa parkuaso i paboa na tutu situtu na so adong tarida ho amang di luat i.

NEHEMIA 6:11

Tapi hualusi ma, “Anggo au, nada huhagioti na maporus. Diambang ho ma lakna na giot palua diri au muda masuk martabuni di Bagas Ni Tuhan? Nada, nada ra au!”

MASMUR 27:3

Haru pe dihaliangi parangan na bahat au, nada pola mabiar au. Haru ro pe musu mamorangi, tongtong mararop roha au tu Debatangki.

MASMUR 3:6

Nada mabiar au hara ni alo na marribu na manghobuk au sian desa na walu.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MATEUS 26:21

Jadi hatiha na mangan i halahi mandok hata ma Jesus, “Tangihon hamu jolo: Sahalak sian hamu giot manghianat tu Au.”

MATEUS 26:31

Dipaboa Jesus ma tu angka anak siseanNia i, “Borngin on mandao be ma hamu sude, tinggalkononmunu ma Au. Harana tarsurat do di Buku Na Badia i, ‘BunuonKu ma parmahan i gabe marserak ma sude pahan-pahanan.’

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 13:11

Madung diboto Jesus hian sanga ise na giot manghianat tuSia. I do umbaen na nidokNia, “Anggo hamu na dung ias hian do, tapi nada sude hamu.”)

JOHANNES 18:5

Dialusi halahi ma, “Jesus halak Nasaret i.” “Au do i,” ninna Jesus tu halahi. Laing disi do jongjong si Judas panjehe i rap dohot halahi.

JOHANNES 18:7

Dung i disapai Jesus ma halahi sanoli nari, “Ise na nijalahanmunu?” ning Ia. “Jesus halak Nasaret i,” ning halahi mangalusi.

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

JOHANNES 6:64

Hape laing adong dope sian hamu na so porsaya.” (Madung diboto Jesus hian do sian mulana sanga ise-ise na so ra porsaya dohot ise na giot manghianat tuSia.)

BAENON NI ANGKA RASUL 2:28

Madung dipatidahon Ho tu au dalan tu hangoluan na so mantak i. Dilehen Ho do di au gok jop ni roha di adopanMu.’

1 PETRUS 4:1

Dibaen madung manaon parkancitan Kristus mangihutkon parsibuhon, hamu pe angkon laing papironmunu do rohamunu dohot parngoluan na songon i. Angke sanga ise na manaon mangihutkon pangkilalaan parsibuhon, nada ra be i mambaen dosa.