JOHANNES 18:38 - BIBEL JAMITA NA DENGGAN

³⁸ Disapai si Latus ma Ia, “Aha dehe arti ni hasintongan?” Dung i marlojong ma si Latus kehe tu ruar mandapotkon halak Jahudi i, didok ia ma tu halahi, “Sada pe nada adong dapot au hasalaanNia.

JOHANNES 18:38 ပူးပေါင်းရင်းမြစ်များ

MATEUS 27:24

Diida si Latus ma na so marguna be hatania i sude. Aropku mur mambaen gaor ma halahi laho mangalo, ning rohania. Ujungna dibuat ia ma aek. Dibasu ia ma tangannia di jolo ni halak na bahat i. Didok ia ma hatania, “Inda ahana di au muda mate halak na tigor on! Sahat di hamu ma i!”

MARKUS 15:14

“Aha ma salaNia lakna?” ning si Latus manyapai. Tapi mur gogo ma halahi marsurak, “Parsilangkon ma Ia!”

LUKAS 23:4

Dung i didok si Latus ma tu angka sintua ni malim i dohot tu halak na bahat, “Nada adong dapot au sanga aha pe hasalaanNia.”

JOHANNES 18:33

Masuk ma si Latus mangulahi tu bagasan mamiohon Jesus. Dung i disapai ia ma Jesus ning ia ma, “Adong he Raja Ni halak Jahudi Ho?”

JOHANNES 19:4

Dung i haruar ma si Latus sanoli nari, didok ia ma tu halak na bahat i, “Ligi hamu ma! Madung huoban Ia saonnari tu ruar anso diboto hamu na so adong dapot au hasalaanNia bagi aha pe.”

JOHANNES 19:6

Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.