JOHANNES 18:28 - BIBEL JAMITA NA DENGGAN

²⁸ Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 18:28 ပူးပေါင်းရင်းမြစ်များ

MASMUR 35:16

Sai torus ma halahi pacia-ciahon au, manaili ma i panyogo-nyogoon.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

JEHESKIEL 45:21

Di tanggal opat bolas bulan sada, angkon pestahononmunu do Pesta Paskah. Pitu ari honokna angkon mangan roti na so marragi sude halak.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MATEUS 27:27

Dung i dioban angka parajurit ni si Latus i ma Jesus masuk tu bagas paruhuman ni gubernur i. Marlagut ma tentara i sudena manghaliangi Jesus.

MARKUS 15:16

Dioban angka tentara i ma Jesus tu emper ni bagas godang inganan ni gubernur. Dung i dipio ma marlagut sude pasukan i.

LUKAS 22:66

Dung torang ari marlagut ma angka hatobangon ni halak Jahudi dohot ma angka sintua ni malim dohot angka Siboto Surat. Dung i dioban ma Jesus tu jolo ni Mahkamah Ugamo ni halahi.

JOHANNES 11:55

Jadi hatiha i giot dapot ne ma Pesta Paskah ni halak Jahudi. Ma bahat halak sian angka kota i markehean tu Jerusalem laho paiaskon diri dompak so dapot Pesta Paskah i.

JOHANNES 18:13

Jadi dioban halahi ma Ia parjolo tu si Hanas, i ma tulang ni si Kayafas. Si Kayafas, i ma Malim Godang di na sataon i.

JOHANNES 18:15

Diihutkon si Simon Petrus rap dohot sada halak sisean na sada nari ma Jesus. Ditanda Malim Godang i do anggo sisean na sada nari i; jadi diihutkon ia ma Jesus masuk tu alaman ni bagas ni Malim Godang i,

JOHANNES 18:33

Masuk ma si Latus mangulahi tu bagasan mamiohon Jesus. Dung i disapai ia ma Jesus ning ia ma, “Adong he Raja Ni halak Jahudi Ho?”

JOHANNES 18:39

Tapi mangihutkon na somal, sai hupalua do sada halak na tarhurung ganop Pesta Paskah. Ra do hamu muda hupalua di hamu Raja Ni halak Jahudi on?”

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

JOHANNES 19:14

Hira-hira pukul dua bolas ma hatiha i, jana andospotangna i mamungka ma etongon Ari Sabat. Didok si Latus ma tu halak Jahudi i, “Na ma, indon rajamunu on!”

JOHANNES 19:9

Masuk ma ia mangulahi tu bagasan inganan i, disapai ia ma tu Jesus, “Sian dia dehe asalMu?” Tapi nada dialusi Jesus bagi aha.

BAENON NI ANGKA RASUL 10:28

Dung i mandok hata ma ia tu halahi, “Diboto hamu do, na so tola do halak Jahudi hara ni ugamo ni halahi mardongan dohot angka bangso na asing sanga masuk tu bagas ni halahi. Tapi madung dipatidahon Debata tu au, na so tola dokkononku hodar sanga haram sanga na ise pe.

BAENON NI ANGKA RASUL 10:32

Antong suru ma halak tu Jope mangalap bayo na margoar si Simon Petrus, na marborngin di bagas ni tukang kulit na margoar si Simon muse, di topi laut do bagas i.’

BAENON NI ANGKA RASUL 11:3

“Biasi kehe ho tu bagas ni halak na so marsunat? Mangan muse dope ho rap dohot halahi!”

BAENON NI ANGKA RASUL 3:13

Debata na nisomba ni si Abraham, si Ishak, si Jakob dohot angka ompunta i, i ma Debata na dung pasangapkon NaposoNia, i ma na margoar Jesus, na nipasahatmunu jana na nitulakmunu di adopan ni si Latus di na giot dipalua si Latus Ia.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

PANGARATAION 16:2

Kehe ma hamu tu inganan paribadatan i laho manyambol sada sian biri-biri sanga lombumunu gabe panganon Paskah laho pasangapkon Tuhan Debatamunu.