JOHANNES 18:20 - BIBEL JAMITA NA DENGGAN

²⁰ Ninna Jesus ma mangalusi, “Tangkas do Au mandok hata di jolo ni halak na bahat. Sai mangajari do Au di angka bagas paribadatan dohot di Bagas Ni Debata di inganan ni halak Jahudi na somal marlagut. Nada unjung Hudokkon sanga aha di na buni.

JOHANNES 18:20 ပူးပေါင်းရင်းမြစ်များ

MASMUR 22:22

Sai paboa-boaonku do pambaenanMu tu bangsoMu, di parluhut-luhutan ni halahi, papuji-pujionku do goarMu.

MASMUR 40:9

Di parpunguan ni bangsoMu hupajojor-jojor do jamita na denggan salaho tu haluaan na nilehenMu. Nada marnamantak i hupabotohon, diboto Ho do i sudena da Tuhan.

JESAYA 45:19

Nada Au mandok hata marsibuni-sibuni, sangkapKu nada i Hututup-tutupi. Nada Hupangido sian bangsongKu Israel anso jalahanna Au di inganan na lungun di na pinjil. Au do Tuhan; na patangkas habonaran, jana Hubaritahon hatigoran.”

JESAYA 48:16

Ro ma ho padonok ma tu Au jana tangihon ma, sian najolo do marsitangkas Au mandok hata; jana dompak tarjadi sudena i, disi do Au.” Saonnari au diutus Tuhan Debata jana dohot TondiNa au dipasingkop.

MATEUS 24:26

Muda didok halak tu hamu, ‘Ligi hamu ma, disadu do Ia di halongonan an!’ Ulang hamu kehe tusi. Sanga pe muda didok halahi, ‘Beta ma taligi, martabuni do Ia dison!’ Ulang haporsayai.

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

MATEUS 26:65

Dung i disibakkon Malim Godang i ma pakeanNia. Didok Ia ma, “Mangalayasi do on! Inda porlu be saksi. Ma dibege hamu sudena hataNia na mangalayasi i.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MATEUS 9:35

Songon i ma Jesus mardalani sian kota na sada tu kota na asing, sian huta na sada tu huta na asing. Mangajari ma Ia di angka bagas paribadatan. Dibaritahon Ia ma Jamita Na Denggan taringot tu Harajaan Ni Debata. Dipamalum Ia ma ragam-ragam ni nyae dohot sitaonon ni halak na mardangol.

MARKUS 8:32

Torang sajo dipaboa Jesus tu anak siseanNia i sude taringot tusi. Dung i dipiohon si Petrus ma Jesus hum Ia sajo laho paingot Ia.

LUKAS 21:37

Di Bagas Ni Debata do Jesus arian i mangajari tapi dung borngin kehe ma Ia tu Dolok Zetun jana disi do Ia marborngin.

LUKAS 4:15

Mangajari do Ia di angka bagas paribadatan jana sude do halak mamuji Ia.

JOHANNES 18:21

Biasi disapai tuan i Au? Tu halak na dung umbege Au mangajari ma sapai hamu. Sapai ma halahi sanga aha na Hudok tu halahi – diboto halahi do i.”

JOHANNES 6:59

Hatiha mangajari ma Jesus di bagas paribadatan na di Kapernaum didokkon Ia sudena i.

JOHANNES 7:14

Di tonga-tonga ni pesta i masuk ma Jesus tu Bagas Ni Debata mangajari.

JOHANNES 7:26

Tapi ligi da! Laing marpupu do Ia mangkobari di jolo ni halak na bahat jana nada adong na mangkahua Ia, jana nada adong na mandok bagi aha tuSia! Sanga, betak na dung tangkas do diboto angka parkuasonta, na tutu do Ia Kristus i.

JOHANNES 7:28

Hatiha mangajari Jesus di bagasan Bagas Ni Debata, didok Ia ma, “Nian di tanda hamu do sanga ise Au jana diboto hamu sian dia harorongKu? Nada marhite roha-rohangKu sandiri umbaen na ro Au, tapi na nisuru ni Na Tigor i do Au, tapi nada ditanda hamu Ia.

JOHANNES 7:4

Nada adong halak na manabunihon sanga aha na nibaennia muda giot tarbonggal goarnia. Muda baenonMu ma na songon i, angkon botoon ni na satano on ma i!” (

JOHANNES 8:2

Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

JOHANNES 8:26

Bahat dope na giot dokkononKu dohot uhumanKu taringot tu hamu. Tapi Hum na Hubege sian na marsuru Au, i sajo do paboaonKu tu portibi on – harana sintong do Ia.”

BAENON NI ANGKA RASUL 26:26

Haru raja i sandiri pe tangkas do diboto raja i. Hara ni i do umbaen na puluk au torus torang mandokkon i di jolo ni raja i. Pos do rohangku nada adong be sian angka pangalaho i na so diboto raja i, harana nada di sihabunian masa sudena i.