JOHANNES 18:17 - BIBEL JAMITA NA DENGGAN

¹⁷ Didok naposo dadaboru sijago pintu i ma tu si Petrus, “Nada he dohot ho sahalak sian angka sisean ni Bayo i?” “Nada,” ning si Petrus.

JOHANNES 18:17 ပူးပေါင်းရင်းမြစ်များ

MATEUS 26:33

Didok si Petrus ma tu Jesus, “Haru sude pe halahi maninggalkon Ho Tuhan, anggo au bagi na bia pe nada hutinggalkon Ho!”

LUKAS 22:54

Ditangkup halahi ma Jesus jana dioban ma tu bagas ni Malim Godang. Dipaihut-ihut si Petrus ma sian na dao.

JOHANNES 18:16

tapi anggo si Petrus diruar do ia paintehon di pintu i. Dung i haruar ma sisean na sada nari i, i ma na nitanda ni Malim Godang i, mangkatai ma ia dohot naposo dadaboru na manjago di pintu i, lalu dioban ia ma si Petrus masuk tu bagasan.

JOHANNES 18:25

Anggo si Petrus laing disi dope ia jongjong marsisudu. Didokkon halak ma tusia, “Nada he laing dohot ho sahalak sian angka sisean ni bayo i?” Tapi diporso si Petrus ma. Didok ia, “Nada le!”

JOHANNES 18:5

Dialusi halahi ma, “Jesus halak Nasaret i.” “Au do i,” ninna Jesus tu halahi. Laing disi do jongjong si Judas panjehe i rap dohot halahi.

JOHANNES 18:8

Didok Jesus ma, “Madung Hudok Au do i. Jadi muda Au do na nijalahanmunu, padiar hamu ma anggo songon i kehe na asing on.” (

JOHANNES 21:15

Dung mangan halahi, didok Jesus ma tu si Simon Petrus, “O Simon, anak ni si Jona, humolong dehe rohamu mida Au, ulang halahon?” ning Ia. Dialusi si Petrus ma, “Olo Tuhan. Diboto Ho do Tuhan holong ni rohangku tu Ho.” Didok Jesus ma tusia, “Antong parmahani ma angka biri-biringKu.”

BAENON NI ANGKA RASUL 12:13

Ditektek si Petrus ma pintu i sian ruar, jana ro ma sahalak naposo dadaboru na margoar si Rode laho mangungkap pintu i.