JOHANNES 18:11 - BIBEL JAMITA NA DENGGAN

¹¹ Didok Jesus ma tu si Petrus, “Sarungkon ma podangmi, nada he angkon inumonKu do panginuman parkancitan na nilehen ni Damang i tu Au?”

JOHANNES 18:11 ပူးပေါင်းရင်းမြစ်များ

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

MASMUR 75:8

Songon sada piala di tanganNia do hamuruhan ni Tuhan piala na marisi anggur na koras. Diduruskon Ia ma isi ni piala i sude ma parjahat na di tano on angkon manginumsa lopus abis.

JEHESKIEL 23:31

Diihutkon ho do indege ni angkangmi, jadi hara ni i painumonKu ma tu ho piala ni uhuman, songon na dung Hupainumkon tu angkangmu.”

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

LUKAS 12:30

Halak na so mananda Debata do na tongtong parayakkon angka na songon i.) Diboto Amangmunu i do na porlu di hamu angka na songon i.

LUKAS 22:42

didok Ia ma, “Ale Amang, sugari ra ma Ho, pasalpu ma panginuman sitaonon on sian Au; tapi nada anggo hagiotKu na tulus, hagiotMu ma patulus!” [

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

JOHANNES 18:36

Ninna Jesus ma mangalusi, “Anggo HarajaanKu nada harajaan portibi on. Sugari na sian portibi on HarajaanKi, aloon ni angka halakKu ma anso ulang jabat nipasahat Au tu halak Jahudi. Tapi nada sian portibi on anggo HarajaanKu!”

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

2 KORINTUS 10:4

Nada hami pake angka sinjata ni portibi on di bagasan paraloannami tapi angka sinjata ni Debata na markuaso i do. Sinjata i do hami baen manaluhon angka partahanan ni jolma. Hami alusi do sude angka parsoalan

2 KORINTUS 6:7

di na manjamitahon jamita na sintong dohot kuaso ni Debata, markite-hite sinjata hatigoran i do hami mangaroro sanga martahan.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.